Featured Posts

என் வாழ்வில் மஹாபெரியவா -050


என் வாழ்வில் மஹாபெரியவா -050

பிரதி வியாழன் தோறும்

இன்றைய சமுதாயத்தில் நாம் எதைஎதையோ தேடுகிறோம்

அவைகள் எல்லாம் நமக்கு கிடைத்து விட்டதா?

இருந்தும் அன்றாடம் தேடுவது நிற்கவில்லையே!

முறைப்படி வாழ்ந்து பாருங்கள் எதையும் தேட வேண்டாம்

தேடும் அனைத்தும் உங்களை தேடி வரும்

அன்பு பாசம் நேசம் மனிதம் இவைகளைத்தான் சொல்கிறேன்.

நான் அன்றாடம் அனுபவித்து கொண்டிருக்கிறேன்

இந்தசமயத்தில்தான் மஹாபெரியவா எனக்கிட்ட உத்தரவு. “மற்றவர்கள் நலனுக்கு நீ என்னிடம் பிரும்ம முகூர்த்த நேரத்தில் பிரார்த்தனை செய். நானும் அவர்களுக்கு அனுக்கிரஹம் செய்றேன். அவாளுக்கு குரு பூஜை செய்ய உத்தரவு கொடுக்கிறேன். அவாளுக்கு கர்ம விதிக்கு ஏற்ப அனுகிரஹமும் ஆசிர்வாதமும் பண்ணறேன்” என்றார்.

இந்த இடத்தில் இருந்து ஒரு வீடு எப்படி இருக்கவேண்டும்.. எப்படி இருந்தால் உங்கள் இல்லத்திலும் உள்ளத்திலும் மஹாபெரியவா கோவில் கொள்வார் என்பதை ஒரு குறிப்பு எடுத்து கொள்ளுங்கள்.

உங்களுக்கு குரு பூஜை உத்தரவு வந்தாலும் வராவிட்டாலும் ஒரு வீடு இப்படி இருந்தால் தான் பிரும்ம முகூர்த்தத்தில் பூலோகத்தில் உலா வரும் விண்ணுலக தேவர்களும் இறைவனும் உங்கள் வீட்டிற்குள் நுழைந்து விட்டு போவார்கள்.

.நாம் எப்படி கோவிலுக்கு செல்கிறோமோ அதே போல் கோவிலாக இருக்கும் இல்லத்திற்குள் தேவர்களும் இறைவனும் நுழைந்து விட்டு செல்வார்கள்..இப்படி நுழைந்து விட்டு செல்லும் நேரத்தில் ஒரு நாள் அவர்கள் சந்தோஷம் அடைந்தால் உங்கள் வீட்டிலேயே கோவில் கொண்டு விடுவார்கள். . இதை நான் அனுபவபூர்வாமாக உணர்ந்தவன்.. இது போலத்தான் உங்கள் உள்ளம் கோவிலாக மாறும் பக்ஷத்தில் உங்கள் உள்ளத்திலும் இறைவன் கோவில் கொண்டு விடுவான்

பிரும்ம முகூர்த்தத்தில் எழுதல்:

மஹாபெரியவா எனக்கிட்ட முதல் உத்தரவு

பிரும்ம முகூர்த்தத்தில் எழுவது

அப்பொழுதெல்லாம் நான் காலையில் எட்டு மணிக்கு எழுந்து காபி குடித்து விட்டு அன்றைய செய்தி தாளை வைத்து கொண்டு தொலைக்காட்சி பெட்டி முன் உட்கர்ந்து விடுவேன். தரையில் தவழும் நிலையில் இருந்து மஹாபெரியவா அனுகிரஹத்தில் ஒரு காலை இழுத்து இழுத்து நடக்க ஆரம்பித்த சமயம்.

இரவு படுக்கப்போகும் முன் என்னை அழைத்து சொல்கிறார். "ஏண்டா பக்கவாதம் வந்தால் காத்தால எட்டு மணிக்குத்தான் எழுந்திருக்கணுமா? பிரும்ம முகூர்த்த நேரத்தில் காத்தலே எழுந்து குளித்து பூஜை செய்து மற்றவர்களுக்காக நீ பிரார்த்தனை செய். உனக்கு நான் எல்லாத்தையும் சொல்லித்தரேன். செய்யறீயா என்று கேட்கிறார்.

நானும் சரி பெரியவா நான் நாளையில் இருந்து காலையில் நாலு மணிக்கு எழுந்து குளித்து விட்டு பிரார்த்தனை செய்யறேன் என்றேன்.. அன்று ஆரம்பித்த மஹாபெரியவா பிரும்ம முகூர்த்த பிரார்த்தனை இன்று வரை தொடர்கிறது. என் ஆயுள் இருக்கும் வரையும் தொடரும். முதல் நாள் எவ்வளவு உற்சாகத்தோடு எழுந்து பூஜை செய்தேனோ இன்றும் அதே உற்சாகத்தோடு எழுந்து செயல் படுகிறேன் இது மூன்றாவது வருடம்.

மஹாபெரியவா உத்தரவு கொடுத்து விட்டாரே தவிர என்னுடைய பிரார்த்தனையை எப்படி செய்வது என்று தெரியவில்லை.. எனக்கு தெரிந்த பிராத்தனை எல்லாம் விளக்கேற்றி வைத்து கண்ணை மூடி கை கூப்பி நின்று மனதார என்ன வேண்டுமோ அதை வேண்டிக்கொண்டு வந்து விடுவேன். முறையான பிரார்த்தனை என்பது மஹாபெரியவா எனக்கு சொல்லிக்கொடுத்த பின் தான் நான் கற்றுக்கொண்டேன்.

இன்று நான் செய்வது அனைத்தும் என்னையும் அறியாமல் செய்ய ஆரம்பித்தேன். கண்களை மூடிக்கொண்டு மனத்திற்குள்ளாகவே வேண்டுவதை விடுத்து மஹாபெரியவாளிடம் வாய் விட்டு பேச ஆரம்பித்தேன்.

எங்கள் வீட்டில் சமையல் அறையில் தான் பூஜை அலமாரி இருக்கிறது. சற்று பெரிய அலமாரி அது.. நான் என்னுடைய ஒழுங்குபடுத்தப்பட்ட பிரார்த்தனையை ஆரம்பிக்கும் முதல் நாள் இரவு வழக்கம் போல் இரவு ஒன்பது மணிக்கு என்னிடம் சொல்கிரார் மஹாபெரியவா.

"ஏண்டா. உன்னோட ஆத்துக்கு சமையல் அறை தான் அன்னலட்சுமி வாசம் செய்யும் இடம். . ஒவ்வொரு ராத்திரி படுக்க போகும் முன் சமைக்கும் அடுப்பை நன்னா சுத்தப்படுத்தி அதன் மேல் அரிசி மாவில் கோலம் போட்டு பின்வருமாறு வேண்டிக்கொள்.

“அன்னலட்சுமி எனக்கு தடையில்லா அன்னத்தை கொடு.. இந்த அடுப்பில் தினந்தோறும் சமைக்கும் பெண்களோ ஆண்களோ யாராக இருந்தாலும் அவர்கள் எந்த ஒரு ஆபத்தையும் எதிர் கொள்ளாமல் சமைத்து முடிக்க வேண்டும்."

சமைக்கும் பதார்த்தம் மற்றவர்கள் நாக்குக்கு ருசியும் பசியாற்றும் தன்மையும் சாப்பிடுபவர்கள் ஆத்மா திருப்தி அடையும் வகையிலும் இருக்கவேண்டும்.

நான் அனுபவப்பட்டிருக்கிறேன். சிலர் சமைத்தால் அது அமிர்தத்தை போல சுவையாக இருக்கும். காரணம் என்ன தெரியுமா ?.

இத்தனைக்கும் வழக்கமாக சமைக்கும் பதார்த்தங்கள் தான்.. சமைப்பவரின் ஆத்மா சமையலில் கலந்து விடும். எப்பொழுது ஆத்மா நாம் செய்யும் காரியத்தில் ஈடுபடுகிறதோ அப்பொழுதே அழைக்காமலேயே நம்முடைய ஐம்புலன்கள் அனைத்தும் ஆத்மாவுடன் சேர்ந்து செயல் படும். ஆத்மாவும் ஐம்புலன்களும் சேர்ந்து சமைக்கும் பொழுது சமயலுக்கு தனியான வாசனை வந்து விடும். இதைத்தான் கை மனம் என்பார்கள்..

ஆத்மவுக்கு தனியான வாசனை கிடையாது. ஆனால் ஒரு உடலில் இருந்து கொண்டு அந்த உடல் செய்யும் செயல்களில் ஆத்மா தன்னையும் ஈடுபடுத்தி கொள்ளுமானால் செய்யும் செயல் சிறந்து விளங்கும். சமையல் ஒரு உதாரணமே? எந்தச செயலும் இதற்கு பொருந்தும்..

இங்கு எனக்கு ஒரு சந்தேகம் எங்கள் வீட்டில் ஆண்கள் சமைக்க மாட்டார்கள். ஏதற்கு மஹாபெரியவா ஆண்கள் என்று சொல்கிறார் என்று எனக்கு அப்பொழுது தெரியவில்லை. பிறகுதான் தெரிந்தது மஹாபெரியவா அனுகிரஹத்தில் நானே சமைக்க ஆரம்பிக்கப்போகிறேன் என்பது..

அப்பொழுது எனக்குள் நான் உணர்ந்தது தான் ஆத்ம ஈடுபாடு என்பது.. வரும் பதிவுகளில் நான் சமைக்க ஆரம்பித்ததில் இருந்து எப்படி சமையலில் நள மஹாராஜாவாக மஹாபெரியவாளால் உருவாக்க பட்டேன் என்பதை உங்களிடம் பகிர்ந்து கொள்கிறேன்.

வாசலிலும் அடுப்பிலும் அரிசி மாவு கோலம்

மஹாபெரியவா இன்னும் சொன்னதை கேளுங்கள். வாசலில் அரிசி மாவால் கோலம் போடு. கல்லால் ஆன கோலப்பொடியை உபயோக படுத்தவேண்டாம் என்றார்கள். எனக்கு இதெல்லாம் தெரியாது. நான் லௌகீக வாழ்க்கையில் அலைந்து திரிந்து கொண்டிருந்தவன். நான் கேட்கிறேன் ஏதற்கு பெரியவா அரிசிமாவால் கோலம் போடணும்?.

அதற்கு மஹாபெரியவா கொடுத்த விளக்கம். அரிசி மாவால் கோலம் போடுவதால் கண்ணுக்கு தெரியாத ஜீவராசிகள் அந்த கோலத்தில் இருக்கும் அரிசிமாவை. இழுத்துண்டு போகும்.. எறும்புகளுக்கும் இது நல்ல உணவு..

உன்னை அறியாமல் செய்யும் பாவங்களுக்கு எல்லாம் உன்னை அறியாமல் செய்யும் இந்த மாதிரி சிறு சிறு விஷயங்கள் உனக்கு புண்ணியங்களை சேர்க்கும்.. இதை தினமும் நீயும் செய்..மத்தவாளுக்கும் சொல்லு என்றார். நான் உங்களுக்காகவும் இதை எழுதி விட்டேன்.

இந்த அரிசி மாவு கோலம். எப்போ பகவான் செய்யும் வேலையயை நீ செய்கிறாயோ அப்பொழுது இறைவனே உனக்கு வேலை செய்வான். நீ அனுபவத்தில் தெரிஞ்சுப்பே என்றார்.

வாசல் தெளித்து கோலம் போடுவது:

மஹாபெரியவா என்னிடம் கேட்கிறார் "ஏண்டா உங்காத்துலே வேலைக்காரிதானே வாசல் தெளிச்சு கோலம் போடறா. புண்ணியம் எல்லாம் அவளுக்குத்தானேடா போகும்.