Featured Posts

பக்தர்கள் வாழ்வில் மஹாபெரியவா-003


பெரியவா பொதுவாக மனிதர்களை பலவாறு வகை படுத்துவார்கள் ஆனால் நீயோ மனிதனை மனிதனாக

மட்டுமே வகை படுத்துகிறாய் மனிதன் என்பதற்கு இறைவன் என்று

ஒரு பொருளையும் உணர்த்துகிறாய். உன்னை விவரிக்க முடியாது வார்த்தைகளுக்கு அப்பாற்பட்ட பிரும்மம் அல்லவா நீ நின் பாதமே சரணம்

பக்தர்கள் வாழ்வில் மஹாபெரியவா-003

ஸ்ரீரங்கம் ராஜகோபுரம்

கோபுர தரிசனம் கோடி புண்ணியம்

Ahobila Madam Jeer Swamigal

பக்தர்கள் வாழ்வில் மஹாபெரியவா-003

ஸ்ரீ ரங்கநாத யதீந்திர மஹாதேசிகன் ஸ்வாமிகள்.

பிரதி புதன் கிழமை தோறும்

வலியோடு போராடினால்தான் ஒரு பெண் தாயாக முடியும்

இருளோடு போராடினால்தான்

ஒரு புழு வண்ணத்துப்பூசி ஆகமுடியும்.

மண்ணோடு போராடினால்தான் விதை மரமாக முடியும்

வழக்கையோடு போராடினால்தான் வரலாறு படைக்க முடியும்

நாம் வரலாறு படைக்கவேண்டாம்

ஸ்வாமிகளின் வரலாறை படிக்கலாமே

பக்தியை பற்றி எவ்வளவோ பேசுகிறோம். பக்திக்கு மேல் எதுவும் இல்லை என்றும் நமக்கு தெரியும். என்ன தான் கிடைத்தற்கறிய புதையலே கிடைத்தாலும் பக்தி சொன்னால் அந்த புதையலை கீழே போடும் அளவிற்கு குரு பக்தியும் குருவின் மேலுள்ள உள்ள அசைக்க முடியாத குரு நம்பிக்கையும் இருக்கவேண்டும்.

இந்த மாதிரி ஒரு பக்தி இருக்குமானால் கீழே போட்ட புதையலை போல பலமடங்கு கிடைத்தற்கரிய பாக்கியங்கள் கிடைக்கும் என்பது நிதர்சனம். இப்படிப்பட்ட குரு பக்தியையும் குரு நம்பிக்கையையும் இதிகாசத்தில் புராணங்களிலும் கேட்டிருக்கிறோம். படித்திருக்கிறோம். ஆனால் நாம் வாழும் காலத்திலேயே வாழ்ந்து கொண்டிருக்கும் ஒரு ஆத்மாவை காண வேண்டுமா.

அந்த ஆத்மா வேறு யாருமல்ல. தன்னுடைய பூர்வாஸ்ரமத்தில் மஹாபெரியவாளின் அத்யந்த பக்தர்களில் ஒருவராக இருந்து தற்போது வைணவத்தின் உயர்ந்த பீடமான அஹோபில மடத்தின் தற்போதைய 46 வது பட்டத்தில் இருக்கும் ஸ்ரீ ரங்கநாத யதீந்திர மஹாதேசிகன் ஸ்வாமிகள் அந்த ஆத்மா.

இப்பொழுது உங்களை ஜீயர் ஸ்வாமிகளின் பூர்வாஸ்ரம வாழ்க்கைக்கு நான் அழைத்து செல்கிறேன்.

இப்பொழுது ஜீயர் ஸ்வாமிகளின் இளமைப்பருவத்திலிருந்து அழைத்துச்செல்வதை விட படிக்கும் பருவத்திலிருந்து உங்களை அழைத்துச்செல்கிறேன். ஆனால் உங்களுக்கு நேரம் கிடைக்கும் பொழுது தவறாமல் ஜீயர் ஸ்வாமிகளின் வாழ்க்கையை படியுங்கள்.நீங்களும் உங்கள் வாழ்க்கையை படிக்க ஆரம்பித்து விடுவீர்கள்.

வாழ்க்கையில் வெற்றி என்பது யாரோ எவரோ உங்களுக்கு தங்கத்தாம்பாளத்தில் வைத்து வழங்குவது அல்ல என்பதை நாம் நன்கு உணர முடியும். வெற்றி சம்பாதித்து பெற வேண்டிய ஒன்று. வெற்றி என்பது எவரோ கொடுத்து வாங்குவதல்ல என்பதை நாம் நன்கு உணர முடியும்.

மஹாபெரியவா ஜீயர் ஸ்வாமிகளை இளமை பருவத்தில் இருந்து வேதம் தர்க்கம் மற்றும் எல்லா பாடங்களையும் படிக்கவைத்து ஒரு மடாதிபதியாகும் அளவிற்கு தயார் செய்தார் மஹாபெரியவா.

மஹாபெரியவாளின் தீக்ஷண்யம்:

ஒரு முறை ஜீயர் ஸ்வாமிகளுக்கு ஜெர்மனி நாட்டில் ஒரு ஆராய்ச்சியாளராக வரும்படி அழைப்பு வந்தது. சம்பளம் அந்தக்காலத்தில் ஆண்டுக்கு மூன்று லக்ஷத்திற்கும் மேல். ஜீயர் ஸ்வாமிகளின் சம்பாத்தியம் அவரது குடும்பத்திற்கு மிகவும் தேவைப்பட்ட சமயம்.அப்பொழுது மஹாபெரியவா கடல் கடந்து வெளிநாடு செல்வதை ஒரு போதும் ஊக்குவித்ததில்லை.

அப்பொழுது ஜீயர் ஸ்வாமிகளிடம் மஹாபெரியவா தன்னுடைய தீக்ஷண்யத்தால் சொல்கிறார். நீ வெளிநாடு போக வேண்டாம். நீ மிகப்பெரிய பதவிக்கு வரப்போகிறாய். இங்கயே இரு. கஷ்டம் இருந்தால் என்ன கஷ்டப்படேன் என்று சொன்னார். சொன்னது போலவே இன்று உலகத்தில் உள்ள அத்தனை வைஷ்ணவர்களுக்கும் ஆசார்யன் ஆகிவிட்டார்.

ஜீயர் ஸ்வாமிகளின் குரு பக்தி:

தன்னுடைய பூர்வாஸ்ரமத்தில் வேதங்கள் படித்து முடித்த பிறகு தன்னுடைய சகோதரிகளுக்கு திருமண வைபவம் நடத்த வேண்டும்.ஜீயர் ஸ்வாமிகளுக்கு குரு பக்தி எப்படியோ அப்படித்தான் பெற்றோர் பக்தியும்.தந்தையின் பேச்சுக்கு மறு பேச்சு பேச மாட்டார்.

ஒரு முறை தன் சம்பாத்தியம் குடும்பத்திற்கு அத்தியாவசியம் என்ற நிலையில் நல்ல சம்பாத்யத்திற்கும் நல்ல வழி பிறந்து விட்டது. ஆம் ஜெர்மனியில் இருக்கும் ஒரு அமைப்பு ஜீயர் ஸ்வாமிகளை ஆராய்ச்சியாளர் பணியில் அமர்த்த முடிவு செய்து வருடத்திற்கு மூன்று லக்க்ஷத்திற்கு மேல் சம்பளமும் பேசி வேலையில் சேரும் நாளையும் முடிவு செய்து வேலையில் சேருவதற்கான கடிதமும் அனுப்பிவிட்டார்கள்.

உங்கள் கவனத்திற்கு:

இந்த விஷயம் ஜீயர் ஸ்வாமிகளுக்கு அவரது தந்தையர்க்கும் மட்டுமே தெரியும்.

அப்பொழுது தீபாவளி சமயம். ஒரு அக்டோபர் மாதத்தின் இறுதி நாளான முப்பத்தியொன்றாம் தேதி மும்பையில் இருந்து விமானத்தில் பயணம்.மும்பை செல்லும் வழியில் சென்னையில் இறங்கி காஞ்சிபுரம் சென்று மஹாபெரியவாளிடத்தில் ஆசிர்வாதமும் வாங்கிட்டுக்கொண்டு சென்றால் மனதுக்கு அமைதியாக இருக்கும் என்று நினைத்தார்.

மஹாபெரியவாளிடம் வெளி நாடு செல்வத்தைப்பற்றி சொல்லவேண்டாம். ஏனென்றால் சொன்னால் போகவேண்டாம் என்று அறிவுரை சொல்லுவார். ஆனால் குடும்பத்திற்கு தன்னுடைய சம்பாத்தியம் மிகவும் தேவை என்பதை உணர்ந்த ஜீயர் ஸ்வாமிகள் மஹாபெரியவாளிடம் எதுவும் சொல்லாமலேயே சேவித்து ஆசீர்வாதம் வாங்கிக்கொண்டு மும்பைக்கு கிளம்பி விடலாம் என்று நினைத்தார்

காஞ்சி மடத்திற்கு தொலைபேசியியில் தொடர்பு கொண்டு மஹரியாவா எங்கு இருக்கிறார் என்பதை உறுதி செய்து கொள்ளும் பொழுது மடத்து அதிகாரிகள் மஹாபெரியவா கர்நாடக மாநிலத்தில் உள்ள வனசங்கரி என்னும் இடத்தில முகாமிட்டுள்ளதாக தெரிவித்தார்கள். உடனே ஜீயர் ஸ்வாமிகள் வனசங்கரிக்கு விரைந்தார்.அங்கு மதியத்திற்கு மேல் சென்றடைந்தார். மஹாபெரியவா முகாமுக்கும் சென்று விட்டார்.

அங்கே சென்றவுடன் ஸ்ரீ கார்ய மனுஷாள் ஜீயர் ஸ்வாமிகளிடம் சொன்னார்கள். இன்று மஹாபெரியவா மௌனத்தில் இருக்கிறார். அவர் பேச மாட்டார் என்று சொன்னார்கள் ஜீயர் ஸ்வாமிகளுக்கு ஒரு விதத்தில் இந்த மஹாபெரியவா மௌன விரதம் சௌகரியமாகவும் இருந்தது.

ஏனென்றால் தான் வெளிநாடு போவதை சொல்லவில்லை என்ற குற்ற உணர்ச்சி இருக்காது. நமஸ்காரம் செய்து ஆசீர்வாதங்களை வாங்கிக்கொண்டு கிளம்பி விடலாம் என்று நினைத்து கோவில் குளத்தில் கை கால்கள் அலம்ப ஆரம்பித்தார்.