Featured Posts

என் வாழ்வில் மஹாபெரியவா -076 விண்ணும் மண்ணும்


என் வாழ்வில் மஹாபெரியவா -076

விண்ணும் மண்ணும்

இரண்டு மஹாபெரியவா பக்தர்கள் சந்தித்து

கொள்ளும் பொழுது கேட்க வேண்டிய கேள்வி

கடைசியாக நீங்கள் அறிந்த

மஹாபெரியவா அற்புதங்கள் என்ன

இதில் ஒருவருடைய பக்தியின் ஆழம் தெரிகிறது

நீங்கள் கடைசியாக பின்பற்றிய

மஹாபெரியவா போதனைகள் என்ன

இதில் ஒருவருடைய மனதின் விசாலம் தெரிகிறது

மஹாபெரியவாளின் ஆழத்தை அளக்க அளக்க

உங்கள் மனம் பண்படுகிறது

எப்பொழுதும் நீங்கள் மஹாபெரியவா

ஸ்மரணையிலேயே இருந்தால்

எல்லையில்லா பிரபஞ்சத்துடன் உங்கள் தொடர்பு இருக்கும்

அனுபவித்து பாருங்கள் வார்த்தைகளுக்கு

அப்பாற்பட்ட அனுபவம்

****

நமக்கெல்லாம் மஹாபெரியவா அற்புதமென்றால் அது ஒரு உள்ளத்தை தொடும் உணர்வுகள். ஆனால் மஹாபெரியவாளை பொறுத்த வரை அவருக்கு அது மேலும் ஒரு நாள்.

அந்த பரமன் என் வாழ்வில் நிகழ்த்திய நிகழ்த்தி கொண்டிருக்கிற அற்புதங்களை உங்களுக்கு அவ்வப்போது என் பதிவுகள் வாயிலாக சமர்ப்பித்து கொண்டிருக்கிறேன். எனக்கு இப்பொழுது புரிகிறது. என் இறுதி மூச்சில் கூட ஒரு அற்புதம் நிகழ்ந்துதான் என் மூச்சு அடங்கும் என்று நினைக்கிறேன்.

இது வரை மஹாபெரியவா என் வாழ்க்கையில் நிகழ்த்திய அற்புதங்களையே எழுதி முடித்தபாடில்லை. ஆனால் மீண்டும் பல அற்புதங்கள் அடங்கிய என் வாழ்கை ஆரம்பித்து விட்டது.. இந்த அற்புதங்களை எல்லாம் என் எழுத்துக்கள் மூலம் உங்கள் மனக்கண் முன்னே கொண்டுவந்து உங்களை இன்னும் மஹாபெரியவா பக்தி ஆழத்திற்கு அழைத்து சென்று மஹாபெரியவா பக்தியை உங்கள் உடலுக்குள் பாய்ச்சி உங்களுக்கும் மஹாபெரியாவாளுக்கும் இடையே ஒரு பக்தி பாசத்தை ஏற்படுத்த முயற்சி செய்கிறேன்.

மஹாபெரியவா எனக்கு இடும் கட்டளைகள்

பொதுவாகவே மஹாபெரியவா எனக்கு இடும் கட்டளைகள் எல்லாமே வியாழக்கிழமை என்னுடைய பிரும்ம முகூர்த்த பிரார்த்தனை நேரத்தில் மட்டுமே இருக்கும்.. இந்த மாதம் (ஏப்ரல்) நான்காம் தேதி வியாழக்கிழமை காலையில் என்னுடைய பிரும்ம முகூர்த்த நேர பிராத்தனையில் போது நடந்த சாம்பாஷனை இதோ உங்களுக்காக.:

பெரியவா : ஏண்டா நீ எல்லாருக்கும் நான் சொன்ன குரு பூஜை செய்யச்சொல்லி அவாளுக்கு என் கிட்டே இருந்து அனுகிரஹமும் ஆசிர்வாதமும் வாங்கித்தரே.. இதை எந்த பிரதிபலனையும் எதிர்பார்க்கமே பன்னரே.. ஒரு கையையும் ஓரு காலையும் வெச்சுண்டு இவ்வளவையும் பண்ணிண்டு இருக்கே. உனக்கு இன்னும் சக்தியை கொடுத்து நான் ஒன்றை செய்ய சொன்னா செய்வாயா?

நான்: என்ன செய்யணும்? பெரியவா சொல்லுங்கோ.

பெரியவா : எத்தனையோ சிவன் கோவிலும் பெருமாள் கோவிலும் சிதிலமடைந்து பூதம் காக்கும் கோவிலா மாறிடுத்து. அந்த காலத்திலே ராஜாக்களும் மனுஷாளும் சேர்ந்து பெரிய கோவில்களை கட்டினா.. அந்த கோவில்களெல்லாம் நாளடைவில் சிதிலம் அடைந்து போச்சு.

அந்த கோவிலுக்கெல்லாம் சக்தி ரொம்ப அதிகம்.. ப்ரபஞ்சத்தோட தொடர்பு கொண்டது. செய்யும் பிரார்த்தனைகள் எல்லாமே உடனே பிரபஞ்சத்தை அடைந்து விடும். பிரபஞ்சத்தில் இருந்து உடனே பதிலும் கிடைச்சுடும். அந்த மாதிரி கோவில்களை எல்லாம் கண்டு பிடிச்சு புனருத்தாரணம் பண்ணி மனுஷா வழிபாட்டிற்கு ஏத்த மாதிரி பண்ணுடா.

எப்படி என்னோட குரு பூஜை கலியின் விகாரங்களுக்கு பதில் சொல்லறதோ அதுபோல இந்த சக்தி வாய்ந்த கோவில்களெல்லாம் மனுஷா பண்ணற அத்தனை பிரார்த்தனைகளுக்கும் உடனே பதில் சொல்லும். நீ பண்ணு.. இது உனக்கு கடைசி ஜென்மம்.. நானே வந்து உன்ன அழைச்சுண்டு போறேன்.

விண்ணும் மண்ணும்

நான்: பெரியவா நீங்களே பலதரம் என்கிட்டே சொல்லியிருக்கேள். விண்ணையும் மண்ணையும் இணைக்கும் சாதனம் கோவில்கள் மட்டுமே என்று. அப்படியென்றால் வானத்தில் இருக்கும் இறைவனுக்கும் மண்ணில் இருக்கும் மனிதர்களுக்கும் ஒரு தொடர்பு சாதனம் கோவில்களே.

அப்படியானால் நீங்கள் சொல்லற மாதிரி பல கோவில்களை கண்டெடுத்து புனருத்தாரணம் பண்ணி மனுஷா வழிபாட்டிற்கு ஏற்பாடு பண்ண சொல்லறேள். உங்களோட இந்த கைங்கர்யத்திற்கு “விண்ணும் மண்ணும்” அப்படின்னு பேர் வைக்கிறேன் பெரியவா. நீங்கள் ஆசிர்வாதம் பண்ணுங்கோ.

பெரியவா: பேஷா வையேன். ரொம்பவும் பொருத்தமா இருக்கு. நீ எல்லோர் கிட்டயும் கையேந்தி பிச்சை எடுத்து பண்ணு. உனக்கும் புண்ணியம். உனக்கு உதவறாலுக்கும் புண்ணியம்..

நான்: ரொம்ப சந்தோஷம் பெரியவா.ஆனால் நான் எப்படி ஒரு காலையும் ஒரு கையையும் வெச்சுண்டு எங்கே போவேன்?. எப்படி தேடுவேன்.? யாரை கேப்பேன்? பெரியவா.

பெரியவா: நீ எங்கேயேயும் போக வேண்டாம்டா யாரையும் தேட வேண்டாம். உன்னை தேடி வேண்டிய விவரங்கள் வரும். நீ எடுத்து பண்ணு.

நான்: சரி பெரியவா. நிச்சயம் உங்கள் கட்டளையை தலை மேலே ஏத்துண்டு பண்ணறேன் பெரியவா. முதல்ல எந்த கோவிலை எடுத்துக்கறது.

பெரியவா: நாளைக்கு ஒரு கோவிலை பற்றி உனக்கு தகவல் வரும். அந்த கோவிலை முதலில் எடுத்துண்டு பண்ணு.

நான்:: சரி பெரியவா .பண்ணறேன் என்று சொல்லி விடை பெற்றேன்.

அடுத்த நாள் மஹாபெரியவா அற்புதத்தில் ஒரு நாயகன் சங்கரன் என்னும் ராகவன் என்னை தொடர்பு கொண்டு பின்வருமாறு சொன்னான்.

"நான் என் குடும்பத்துடன் கும்பகோணம் அருகில் உள்ள கோவில்களுக்கு சென்றிருந்தேன். அப்பொழுது மிகவும் சிதிலம் அடைந்த ஒரு சிவன் கோவிலை பார்த்தோம். அந்த கோவிலை நாம் நம் டிரஸ்ட் மூலம் எடுத்து திருப்பணிகள் செய்யலாம் மாமா.

உங்களுடைய நம்பிக்கைக்கும் நாணயத்திற்கும் எல்லாரும் உதவ முன்வருவா. பண்ணலாம் மாமா " என்று சொன்னார். நானும் சரி ராகவன் நிச்சயம் பண்ணலாம். மாமஹாபெரியவாளை கேட்டுவிட்டு பண்ணலாம் என்று சொல்லி கை பேசியை துண்டித்தேன்.

அடுத்த நாள் நான் மஹாபெரியவா முன் நின்று கொண்டு மற்றவர்க்ளுக்காக நான் செய்யும் பிரார்த்தனைகள் முடித்துக்கொண்டு மஹாபெரியவாளிடம் பேச ஆரம்பித்தேன். நான் பேச ஆரம்பித்தேன்.

பெரியவா : கும்பகோணத்துக்கு பக்கத்துலே திருமேற்றளிகை அப்படின்னு ஒரு ஊர் இருக்கு. அந்த ஊரிலே சோழ மன்னன் கட்டின சிவன் கோவில் இருக்கு.. அந்த கோவில் சிதிலமடைந்து ஒரு கால பூஜைக்கு கூட வழியில்லாம இருக்குடா. நமக்கு படியளக்கிற பரமேஸ்வரனுக்கு நன்றி கடனா அந்த கோவிலை எடுத்து புனரமைத்து மூன்று கால பூஜைக்கு ஏற்பாடு பண்ணி நெவேத்தியத்துக்கும் ஏற்பாடு பண்ணனும். உனக்கு இன்னிக்கே வேண்டிய தகவல் எல்லாம் வந்து சேரும்.. அதை தெரிஞ்சுண்டு என்கிட்டே வா.

நான்: சரி பெரியவா நான் வரேன்.

மஹாபெரியவாளிடம் எல்லாத்தையும் சொல்லிவிட்டு விடை பெற்று காயத்ரி ஜெபத்திற்கு உட்கார்ந்து விட்டேன்.