Featured Posts

என் வாழ்வில் மஹாபெரியவா-083


என் வாழ்வில் மஹாபெரியவா-083

குரு பூஜை சரணாலய பெரியவா

விண்ணுக்கு நீங்கள்

மண்ணுக்கு நாங்கள்

எங்களின் ஓலத்திற்கு செவி சாய்த்து

மண்ணுக்கு வரும் எங்கள் கருணாசகரா

நின் பாதம் சரணம் சரணம்

நான் வசிக்கும் அடுக்கு மாடி குடியிருப்பில் உள்ளவர்கள் அன்று காலையில் கலந்து பேசி என்னுடைய வேண்டுகோளை ஏற்றார்களா இல்லையா? என்னும் பதிலுக்கு நான் மிகவும் ஆவலுடன் காத்திருந்தேன்.

என்னுடைய வேண்டுகோள் எங்கள் குடியிருப்பில் மொட்டை மாடியில் என்னை குரு பூஜைக்காக பார்க்கவரும் மஹாபெரியவாளின் பக்தர்களின் சௌகர்யத்திக்காக ஐநூறு சதுர அடியில் ஒரு கட்டடம் கட்டுவதற்காக மற்றவர்களிடம் அனுமதி கேட்டிருந்தேன்.

எனக்கு அபாரமான நம்பிக்கை.. நிச்சயம் என் வேண்டுகோளை ஏற்று மொட்டை மாடியில் மஹாபெரியவா பக்தர்களுக்காக ஒரு ஹால் கட்ட அனுமதிப்பார்கள் என்று.

ஏன் தெரியுமா? ,மஹாபெரியவாளை வேண்டிக்கொண்டு செய்யும் எந்த காரியத்திற்கும் ஜெயம் உண்டு. ஆகவே நம்பியுகயுடன் என் மனதிற்குள் அந்த ஹால் என் எண்ணப்படி அமைய வேண்டும்.

எங்கெங்கு எந்த பொருளை வைக்க வேண்டும். மஹாபெரியவாளை எங்கு அமர வைக்க வேண்டும்..மஹாபெரியவா விக்கிரஹம் எவ்வளவு பெரியதாய் இருக்க வேண்டும் என்று மனதிற்குள் ஒரு கோவிலே கட்டி விட்டேன்.

எனக்கு எனக்கு என் குடியிருப்பு வாசிகளின் முடிவு தெரியாவிட்டாலும் எனக்கிருந்த முழு நம்பிக்கையால் என் மனதிலேயே அந்த அறையை கட்டி முடித்து விட்டேன்.

நான் எதிர்பார்த்து காத்திருந்த இரவும் வந்தது.. குடியிருப்பு வாசிகள் கூட்டமும் முடிந்தது. நானும் என் நண்பரை எதிர்பார்த்து காத்திருந்தேன். மிகுந்த நம்பிக்கையுடன் ஒரு நல்ல முடிவுக்காக காத்திருந்தேன்.

என் நண்பர் வந்தார்.. நான் அவரையே கண் கொட்டாமல் பார்த்து கொண்டிருந்தேன்..வந்தவர் மெதுவாக வாயை திறந்தார்.. அவர் சொன்னது இதுதான்

“சார் ஏறக்குறைய எல்லோருமே உங்கள் கோரிக்கைக்கு செவி சாய்த்து விட்டார்கள் ஒரு சிலரை தவிர.. எங்களுக்கு ஒரு விண்ணப்பம் நீங்களும் மஹாபெரியவாளும் இந்த குடி இருப்பை விட்டு எங்கும் போகக்கூடாது.

நீங்கள் இங்கு எங்களுடன் வசிப்பது எங்களுக்கும் இந்த குடி இருப்புக்கும் ஒரு மரியாதை. மதிப்பும் கூட.. தினந்தோறும் உங்களை தேடி வரும் எவ்வளவு ஆத்மாக்களின் வாழ்க்கையில் நீங்கள் மஹாபெரியவாளிடம் வேண்டி குரு பூஜை செய்ய சொல்லி அவர்கள் வாழ்க்கையில் விளக்கேற்றுகிறீர்கள்.

ஆனால் நீங்கள் சொன்ன நிபந்தனை “எல்லோரும் ஏக மனதாக முடிவெடுத்தால் மட்டுமே உங்களால் எங்களுடன் நீங்களும் உங்கள் பெரியவாளும் இருக்க முடியும்” என்பது. ஆனால் எங்களால் ஏக மனதாக ஒரு முடிவுக்கு வர முடியவில்லை. என்று என்னிடம் தயங்கி தயங்கி சொன்னார்கள்.

எனக்கு தலையில் இடி இறங்கினாற்போல இருந்தது அவர் சொன்ன செய்தி. .இருந்தாலும். நான் என் ஏமாற்றத்தை அவரிடம் காட்டிக்கொள்ளவில்லை. எனக்கு இடம் கிடைக்கவில்லை என்பதற்காக எனக்கு ஏமாற்றமில்லை. மஹாபெரியவாளிடம் இந்த நொடி வரை வேண்டியது அனைத்தையும் கேட்டது எல்லாவற்றையும் கொடுத்தார்.

ஆனால் இந்த என்னுடைய பிரார்த்தனை ஏன் நடக்கவில்லை. நான் எனக்காகவா கேட்டேன். என்னை தேடி வரும் பக்தர்களின் நன்மைக்காகத்தானே கேட்டேன். .ஏன் நடக்கவில்லை., எனக்கு பெருத்த ஏமாற்றமும் கோபமும் வந்தது.. நான் என்னை பார்க்க வந்தவரிடம் மஹாபெரியவா இருக்கிறார் ஏதாவது வழியை காட்டுவார் என்று சொல்லி அனுப்பிவிட்டேன்,.

அன்று எனக்கு இருந்த மன உளைச்சல் வார்த்தைகளில் அடங்காது. என்னை காக்கும் அந்த பரமேஸ்வரன் மீதே எனக்கு கோபம் வந்தது. நான் இவ்வளவு செய்தும் மஹாபெரியவா என்னை கை விட்டுட்டாரே.

இனிமேல் நான் யார் கிட்டே போய் என் கஷ்டங்களுக்கும் அடுத்தவர் துன்பங்களுக்கும் தீர்வு கேட்பேன். உலகமே என் கண் முன்னே இருண்டு காட்சியளித்தது..

இன்னிக்கு அப்படி ஒரு உக்கிரமான கோபம் எனக்கு... நான் ஒரு முடிவெடுத்தேன்.. மஹாபெரியவாளிடம் நேரா போய் ரெண்டுலே ஒன்னு கேட்டுட வேண்டியதுதான்..நான் முடிவெடுத்து விட்டேன்.

ஆனால் வீட்டில் எல்லோரும் விழித்து கொண்டிருக்கும் பொழுது மஹாபெரியவாளிடம் சண்டை போட முடியாது. என்னுடைய பழைய நாட்களின் நினைவுகள் என் கண் முன்னே வந்து சென்றது. எல்லோரும் தூங்கிய பின் காதலியை பார்க்க போகும் காதலன் போல் திருட்டுத்தனமாய் தவழ்ந்து தவழ்ந்து சென்ற என்னுடைய அந்த நாட்கள் இன்றும் என் மனதில் பசுமை நினைவுகளாக மேலே வந்து என்னை தாக்கும்.

அது ஒரு இன்பமான தாக்கம் . காதலன் காதலி உறவில் ஏற்பட்ட ஊடலோ இன்று. .காதலில் ஊடல் என்றால் அது மறைந்து விடும். எனக்கு தெரியவில்லை. .இன்று இரவு தெரிந்து விடும்.

அன்று இரவு முழுவதும் நான் மன உளைச்சலாலல் அவதி பட்டேன்.. என்பனால் நிம்மதியாக தூங்க முடியவில்லை. பிரண்டு பிரண்டு படுத்தேன். இரவு ஒரு மணி இருக்கும். இன்னும் மற்றவர்கள் தூங்கவில்லை.

நான் இரண்டு மணி சுமாருக்கு எழுந்து போகலாம் என்று முடிவு செய்தேன். ஆனால் என்னையும் அறியாமல் கொஞ்சம் கண் அயர்ந்து விட்டேன். அந்த சமயத்தில் மஹாபெரியவா என்னை எழுந்து பூஜை அறைக்கு வரச்சொல்லி உத்தரவு போடுகிறார். காதலி உத்தரவு போட்டால் யாரால் அதை மீற முடியும்.

நான் எழுந்து மெதுவாக என் அறை கதவை திறந்து கொண்டு வெளியே வருகிறேன்..

டைன்னிங் அறையில் சிறிது நேரம் உட்கார்ந்து விட்டு மஹாபெரியபவாளிடம் எப்படி கோபப்படலாம் என்ன சொல்லலாம் என்பதை எல்லாம் யோசித்து கொண்டு இருந்தேன். நான் உட்கார்ந்து யோசிப்பது மஹாபெரியவாளுக்கு தெரியாதா என்ன? என்னை அழைத்தார் மஹாபெரியவா.. இனி எங்கள் சம்பாஷணை உங்களுக்காக.

பெரியவா: என்னடா அங்கேயே உக்காந்துண்டு என்னமோ யோசிச்சிண்டு இருக்கே. இங்கே வாடா.

நான்: காதலியை பார்த்தவுடன் கோபம் அத்தனையும் நொடி பொழுதில் காணாமல் போகுமே. அப்படி என் கோபம் போனே இடம் தெரியவில்லை. பேச வார்த்தைகள் வரவில்லை. ஆனால் மன வருத்தம் கொஞ்சமும் குறையவில்லை.நான் பேசாமலே நின்று கொண்டு இருந்தேன்.

பெரியவா: என்னடா மூஞ்சியை தூக்கி வெச்சுண்டு இருக்கே. என்ன கோபம் .

நான்: ஒன்னும் இல்லை பெரியவா.

பெரியவா: சொல்லுடா என்ன பிரச்சனை உனக்கு.

நான். நான் சொல்லித்தான் பிரச்சனை என்ன என்று மஹாபெரியவாளுக்கு தெரியனுமா? பிரும்ம ஸ்வரூபம் அந்த பரமேஸ்வரனுக்கு தெரியாதா என்ன? இருந்தாலும் என் வாயை கிளறி என் வாயால் சொல்வதை கேட்டால் அந்த பரமேஸ்வரனுக்கு ஒரு சந்தோஷம்.

இனி மேலும் பேசாமல் இருந்தால் பெரியாவாளுக்கு என் கோபம் புரியாது. பேசி விட வேண்டியது தான் என்று என் மனதில் உள்ளதை கொட்ட ஆரம்பித்தேன். பெரியவா நீங்களே பாத்துண்டு தானே இருக்கேள். ஒவ்வொரு நாளும் முப்பது பேர் நாற்பது பேர் வந்து நிற்க இடமில்லாமல் வாசலிலும் மாடி படியிலும் நின்னுண்டு காத்துண்டு இருக்கா.

வரவாளை நான் எங்கே உட்காரவைப்பேன்.. எல்லாருக்கும் முன்னாடி அவளோட பிரச்சனைகளை அவாளாலே சொல்ல முடியவில்லை. பாதி பேர் என்னை பார்த்தவுடனேயே அழ ஆரம்பிச்சுடறா. நான் என்ன பண்ணட்டும்..

என்னோட அடுக்கு மாடி குடியிருப்பில் மொட்டை மாடியில் ஒரு பெரிய ஹால் கட்டிண்டு தனியாக ஒரு அறையும் கட்டி இந்த பிரச்சனைக்கு ஒரு தீர்வு காணலாம் என்று இருந்தேன். உங்க கிட்டேயும் சொன்னேன்.நான் நம்பிக்கையுடன் இருந்தேன்

.

எனக்கு உங்கள் மேல் இருக்கும் நம்பிக்கை தெரியும். வானமே இடிந்து என் தலை மேல் விழுகிறதென்றால் என் தலைக்கும் வானத்துக்கும் ஒரு நூல் இடைவெளி இருக்கும் வரை நம்பிக்கையுடன் காத்திருப்பேன் என்று. என் நம்பிக்கைக்கு காரணமாக நான் அனுபவித்த பல அற்புத சம்பவங்களை சொல்லலாம்.

என் வாயில் புற்று நோய் என்று மருத்துவ வல்லுனர்களும் சோதனை முடிவுகளும் உறுதி செய்த நேரம்.. இந்த உலகமே எனக்கு இறுதி யாத்திரை நடத்த முடிவு செய்த வினாடி அவைகள்... என் புற்று நோயை எதுவுமே இல்லாமல் செய்து இன்றும் நான் வாழும் வாழ்க்கைக்கு ஒரு அர்த்தம் கொடுத்துண்டு இருக்கேளே..

என்னை ஹிமாலயத்தில் கங்கை கரையில் ஏற்பட்ட பக்கவாதத்தால் நாடி துடிப்புகள் அடங்கிய நேரம்.. உடலை விமானத்தில் எடுத்து செல்லுங்கள் என்று மருத்துவர்கள் சொல்லிக்கொண்டிருந்த பொழுது என் நாடி துடிப்பை மீண்டும் துடிக்க செய்து இறந்து போன எனக்கு மீண்டும் உயிர் கொடுத்து காப்பாற்றினீர்கள். இன்னும் எவ்வளவோ சொல்லிக்கொண்டே போகலாம் பெரியவா.

பல முறை என் உயிரையே காப்பாற்றிய உங்களுக்கு இந்த அல்ப விஷயத்தை எனக்காக செய்வதில் என்ன கஷ்டமோ. எனக்கு தெரியலை பெரியவா.

உண்மையிலேயே எனக்கு ஏமாற்றமாகவும் எனக்கே என் மேல் கோபமாகவும் இருக்கு. நான் எனக்காக எதுவும் கேட்கவில்லையே. மதவாளுக்காகத்தானே கேட்டேன். இந்த என் ஏமாற்றத்திற்கு ஒரு பதில் கிடைக்காமல் என்னால் எதிலுமே கவனம் செலுத்த முடியவில்லை பெரியவா.

பெரியவா: கொஞ்சம் நான் சொல்லறதை கேளு, இன்னிக்கு அந்த இடம் உனக்கு கெடச்சிருந்தா எத்தனை நாளைக்கு நீ சந்தோஷமா இருந்திருப்பே?.. ஒரு சில மாசங்களுக்கு உனக்கு சந்தோஷம் கிடைக்கலாம்.

இன்னும் கொஞ்ச நாளுலே இன்னும் மனுஷா உன்னை தேடிண்டு வரப்போறா.. அப்போ உன் மனசு சங்கடப்படும்..இவ்வளவு பண்ண பெரியவா எனக்கு இதை கூட பண்ணலையே அப்படின்னு.

நீ மனுஷன்டா. குழந்தை மாதிரி. அடுத்தது பத்தி மட்டுமே யோசிப்பே. ஆனா நான் அடுத்தடுத்த தேவைகளை ஞானத்தால் தெரிஞ்சுண்டு முடிவு எடுப்பேன். புரிஞ்சுதா

நான்: எனக்கு நெற்றி பொட்டில் அடித்து சொன்னாற்போல இருந்தது. எனக்கு இது கூட புரியல்லயே. வெட்கமாகவும் இருந்தது. இப்பொழுது உங்களுக்கும் புராந்தகிருக்கும் என் கோபதிகிலும் ஏமாற்றத்திலும் எந்த ஞாயமும் இல்லை என்பது.

உங்களில் குரு பூஜை செய்யும் பலருக்கும் இது பொருந்தும்.. நீங்கள் அடிக்கடி என்னிடம் சொல்வீர்களே" மாமா நான் ஒன்பது வாரம் பூஜை செஞ்சும் எனக்கு பலனே தெரியலை என்று.

நமக்கு எது நல்லது எது கெட்டது என்பது நமக்கு தெரியாதே. எது எப்பொழுது நமக்கு கிடைத்தால் அதை இறுதிவரை வைத்து காப்பாற்றமுடியும் என்பது நமக்கு தெரியுமா? மஹாபெரியவாளை நிந்திப்பவர்கள் இந்த பதிவின் இறுதியில் மஹாபெரியவா நமக்கெல்லாம் செய்த அற்புதத்தை அறிந்தால் வெட்கத்தால் தலை குனிவோம். மேலே படியுங்கள். மஹாபெரியவா என்னிடம் சொன்னது

நீ ஒன்னும் கவலை படாதே. ..நாளைக்கு காத்தலே உனக்கு நானே தேர்ந்தேடுத்த இடம் ஒன்னு கிடைக்கும்.. நீ ஒரு கை ஒரு காலை வெச்சுண்டு தெருவை கடந்து போறது கூடாது.. உன் கண் பார்வையிலேயே இந்த புது இடம் அமையும்.

நீ எனக்காக ஆரம்பிக்கும் இடம் கோவிலா இருக்கனும். யாரும் கோவிலுக்கு வீடு வாடகைக்கு தரமாட்டா.ஆனா உனக்கு வீட்டுக்கு அட்வான்ஸ் கூட கிடைச்சுடும். வாடைகையும் குறைச்சலா இருக்கும்.

நீ ஆசைப்பட்ட மாதிரியே சிவனையும் விஷ்ணுபவையும் தம்பதி சமேதராக அந்த வீட்டில் பிரதிஷ்டை செய்.. விநாயகரையும் காமாட்சி அம்பாளையும் கூடவே பிரதிஷ்டை செய். .அந்த வீட்டில் இன்னும் நாலு நாளுக்குள்ளே எல்லாத்தையும் பிரதிஷ்டை செஞ்சு முடி. அங்கே தியானம் செய்யறதுக்கு இடமும் இருக்கும்.

நீ உன்னை தேடிண்டு வர என் பக்தாளுடன் பேசறதுக்கு தனியா ஒரு அறை இருக்கும். உன்னை பார்க்க வரவாளுக்கு நல்ல சௌகரியங்களை செஞ்சு குடு. .வேணும்னா அவாளுக்கு குளு குளு வசதியும் செஞ்சு குடு.

கனத்த மனசோட வரவாளுக்கு இது கொஞ்சம் மன அழுத்தத்தை குறைக்கும். என்னடா பேச்சையே காணோம். இப்போ புரியறதா. உன்னோட ஆன்மீக வாழ்க்கையிலே நீ மேலே மட்டும்தான் போகணும். கீழே கொஞ்சம் கூட போகக்கூடாது. நீ நினைத்தாலும் அது முடியாது. நான் தான் உன்னோடயே இருக்கேனே.. சொல்லுடா ஏதாவது பேசு.

நான்: பெரியவா. பெரியவா பேசணும்னு தோணறது. ஆனா என்ன பேசறதுன்னு தெரியலை. நீங்கள் ஒன்னு சொன்னா இந்த பிரபஞ்சமே ஒண்ணுகூடி நீங்கள் சொன்னதை சத்தியமாக்கிவிடும். நீங்கள் சத்தியத்தை சொல்லறேளா இல்லை சொல்லறது சத்யமாயிடறதா ? எனக்கு புரியவில்லை

ரொம்ப சந்தோஷம் பெரியவா. எனக்கு ஒரு சந்தேகம் பெரியவா. விக்கிரஹங்களை பிரதிஷ்டை செய்ய சொல்லறேள். வீட்டில் எப்படி பிரதிஷ்டை செய்ய முடியும்.

பெரியவா: நீ விகிரஹத்தை உன் கையாலே வெச்சாலே அது பிரதிஷ்டை செஞ்ச மாதிரித்தான்.. அப்பழுக்கற்ற சுத்தமான மனசோட எதை செஞ்சாலும் அதை பகவான் ஏத்துப்பான்.

நீ ஒன்னும் கவலை படமே இரு. நடக்கறதை மட்டும் பாத்துண்டு இரு. எல்லாம் தானே நடக்கும். வெள்ளை மனோட எதை நினைத்தாலும் எதை சுயநலமில்லாமல் எதை கேட்டாலும் அதை நான் கொடுத்துடுவேன் என்பதை உலகத்துக்கு சொல்லு. மனுஷாளுக்கு புரியும்.

நான் உன்னக்குள் வரதுக்கு முன் உனக்கு சரீர சுத்தியையை கொடுத்து ஆத்ம சுத்தியை கொடுத்து கங்கையில் அலம்பி எடுத்து உன்னை கோவிலா மாத்தினேன்.நீ இன்னும் பண்ண வேண்டிய காரியம் நிறையே இருக்கு.

ஒவ்வொன்னா நான் ஒன்னோடயே இருந்து உன்னை செய்ய வைக்கிறேன். போகப்போக நீ யார் அப்படிங்கறது உனக்கு இன்னும் நன்னாவே புரியும். நான் சொல்ல போற பேரை அந்த கோவிலுக்கு வை. நீ இன்னும்பெரிசா கட்டப்போற கோவிலோட முன் மாதிரிதான் இந்த கோவில். இந்த கோவிலுக்கு குரு பூஜை பண்ணிட்டு வரவாளுக்கு மனசுலே சாந்தி கிடைக்கும். இப்போ நாள் சொல்லற பேரை இந்த கோவிலுக்கு வை..

இதோ மஹாபெரியவா சொன்ன பேர் உங்களுக்காக

"மஹாபெரியவா

குரு பூஜை சரணாலயம்.

இது கோவில் அல்ல

சாந்தி நிலையம். "

இதுதான் மஹாபெரியவா சொன்ன பெயர்..

உங்களுக்கு ஏதோ விட்டாச்சார்யா படம் பார்ப்பது போல தோன்றுகிறதா. படிக்கும் உங்களுக்கே இப்படி தோன்றுகிறது என்றால் அற்புதத்தை அனுபவிக்கும் என் நிலையை கொஞ்சம் யோசித்து பாருங்கள்.

அடுத்த வாரம் இந்த கோவிலின் காணொளி மற்றும் கோவில் விகிரஹங்கள் அமைந்த அற்புதம் நான்கு நாட்களுக்குள் விண்ணுலகமே மண்ணுலகுக்கு வந்து இந்த குரு பூஜை சரணாலயத்தை நமக்கு அர்ப்பணித்து விட்டு சென்ற அற்புதத்தின் சூத்திரதாரி மஹாபெரியவா அற்புதங்களை இன்னும் அனுபவிக்கப்போகிறோம்.

இந்த சரணாலத்தில் கோவில் கொண்டுள்ள மஹாபெரியவா விக்கிரஹத்தின் உயிரோட்டம் கொண்ட சாந்தி நிலையத்தை இந்த பதிவில் தரிசித்து கொண்டு இருக்கிறீர்கள்.அடுத்த பதிவில் இன்னும் அற்புதங்கள் தொடரும்.

சரணாலய காமாட்சி

ஹர ஹர சங்கர ஜய ஜய சங்கர

என்றும் உங்கள் நலன் மட்டுமே நாடும்

உங்கள் காயத்ரி ராஜகோபால்


No tags yet.
Recent Posts
Archive
Search By Tags
No tags yet.
Follow Us
  • Facebook Basic Square
  • Twitter Basic Square
  • Google+ Basic Square