Featured Posts

என் வாழ்வில் மஹாபெரியவா-088

என் வாழ்வில் மஹாபெரியவா-088

பதிவு எண் 087 இன் தொடர்ச்சி


வேத பட சாலை


நான்: பெரியவா என்கிட்டே அவ்வளவு வசதி கிடையாது. மத்தவாளோட படிப்புக்கும் கலயாணத்துக்கும் கோவில் புணருதரத்துக்கும் மத்தவா கிட்டே பிச்சை எடுத்தான் செஞ்சுண்டு இருக்கேன்., நான் எங்கே போவேன்? யாரை கேட்பேன்?. எனக்கு உங்களை தவிர யாரையும் தெரியாதே பெரியவா.


பெரியவா: நீ எங்கயும் போக வேண்டாம். நாளைக்கு காத்தலே நீ குரு பூஜைக்கு உத்தரவு வாங்கிக்கொடுத்த ஒரு குடும்பம் வரும். அவா உனக்கு கட்டின வீட்டை இடத்தோட நன்கொடையா கொடுப்பா. அதுதான் நீ ஆரம்பிக்கப்போற வேதபாடசாலைக்கு வித்து. நாளைக்கு ராத்திரி என்னை வந்து பார்த்து பேசு.


நானும் சரியென்று சொல்லிவிட்டு சுமார் முப்பது நிமிடங்கள் தூங்கி விட்டு பிறகு எழுந்து மற்றவர்களுக்காக செய்யும் ப்ரம்ம முகூர்த்த பிராத்தனைக்கு தயாரானேன்.

மற்றவர்களுக்காக நான் செய்யும் பிரார்த்தனைகள் முடிந்தன. சரணாலயத்தில் ஏராளமான பக்தர்கள் கூட்டம் இருந்ததால் நான் வழக்கத்தை விட சற்று முன்பாக கிளம்பினேன்.


காலை பத்து மணிக்கு வழக்கமாக நான் செய்யும் காயத்ரி ஜெபத்தை முடித்து விட்டு மஹாபெரியவா பக்தர்களை என்னுடைய அறையில் சந்திக்க சரம்பித்தேன்.


அன்று காலையில் இருந்தே எனக்குள் ஒரு பரபரப்பு. ஏன் தெரியுமா? மஹாபெரியவா சொல்வது சத்தியமாகி விடும். வேத பாடசாலைக்கு மஹாபெரியவா அன்று காலை விதை ஊன்றப்படும் என்று சொன்னாரே. அது எப்படி வரப்போகிறது?. யார் மூலமாக வரப்போகிறது. ஊன்றப்படுவது இடமா இல்லை கட்டிடமா? எதுவும் தெரியவில்லை.


நானும் பொறுமையாக காத்திருந்தேன். பக்தர்கள் ஒவ்வொருவராக என்னை பார்த்து பேசி சென்றார்கள். எனக்குள் ஒரு மன அவஸ்தை. இன்னும் வேதத்துக்கு விதை போடுபவர் வரவில்லையே. மஹாபெரியவா வாக்கு சத்ய வாக்காயிற்றே.காத்திருந்தேன்.


மணி சுமார் பதினொன்று இருக்கும்.ஒரு பெரிய குடும்பமே என்னை பார்க்க என் அறைக்கு வந்தது. வழக்கமாக எல்லா பக்தர்களும் சொல்வது போல அவர்கள் குரு பூஜை செய்து நடந்த அற்புதங்களை ஒவ்வொன்றாக மஹாபெரியவாளிடமும் என்னிடமும் சொன்னார்கள். மகிழ்ச்சியோடு கேட்டுக்கொண்டிருந்தோம். வந்தவர்கள் செல்லும் தருணமும் வந்தது. எனக்குள் ஒரு மனப்போராட்டமே வந்து கொண்டிருந்தது.


நொடிப்பொழுதில் நிகழ்ந்த அற்புதம்


வந்தவர்களில் ஒருவர் கர்ணன் என்று பெயர். இது அவருடைய உண்மையான பெயர் இல்லை. அவருடைய பெயர் வேறு, அவர் கேட்டுக்கொண்டதற்கு இணங்க நான் கர்ணன் என்றே அவரை அழைக்கிறேன்.