Featured Posts

என் வாழ்வில் மஹாபெரியவா-096 வாழ்க்கைக்கு ஒரு அர்த்தம்

மனித குலத்திற்காக ஸ்தூலத்திலும் உழைத்தாய் சூஷ்மத்திலும் இன்னும் உழைத்துக்கொண்டே இருக்கிறாய் எங்கள் தாயும் நீ தாயுமானவனும் நீ எங்களுக்காக சரணாலயத்திலும் கோவில் கொண்டுள்ளாய்

என் வாழ்வில் மஹாபெரியவா -096

குரு என்பவர் ஒரு நபர் கிடையாது

குரு என்பவர் ஒரு சக்தி

குருவின் உறவு உங்கள் விழிகளின் ஈரத்திலும்

குருவின் விரல்களின் ஸ்பர்சித்திலும் வெளிப்படுகிற

புனிதம் என்னும் பிரபஞ்ச சக்தி .

என் வாழ்வில் மஹாபெரியவா தொடர் எண் 095 நேற்று வெளியானது. நீங்களும் படித்திருப்பீர்கள் என நினைக்கிறேன். இதன் தொடர்ச்சியாக நேற்று இரவு முதல் இன்று காலை வரை நிகழ்ந்த நினவுகளின் தொகுப்பை உங்களுடன் இந்த தொடர் எண் 096 வாயிலாக பகிர்ந்து கொள்கிறேன்.


நேற்று நான் மஹாபெரியவா பக்தர்களை பார்க்கவில்லை என்றாலும் என்னை அழைத்த தொலை பேசி அழைப்புகள் ஏராளம்.. இருந்தாலும் மஹாபெரியவா கொடுத்த ஆன்ம சக்தியால் சமாளித்து அழைத்த அத்தனை அழைப்புகளுக்கும் பதில் கொடுத்தேன்.


என் விஷயத்தில் பதில் கொடுப்பது என்பது ஏதோ ஓரிரு வார்த்தைகளை பேசுவதல்ல. அழைப்பவர்களின் கஷ்டங்களை காது கொடுத்து கேட்டு அதை உள் வாங்கி நானும் அவர்கள் கஷ்டத்தில் சில நிமிடங்கள் வாழ்ந்து விட்டு பதில் கொடுக்கும் பொழுது நானும் வெகுவாகவே கரைந்து விடுகிறேன்.


காலை பத்து மணிக்கு துவங்கும் கைபேசி அழைப்புகள் மதியம் ஒரு மணி வரை தொடரும்.மாலை நான்கு மணிக்கு மீண்டும் துவங்கும் அழைப்புகள் இரவு எட்டு மணி வரை தொடரும். பிறகு என்னுடைய இரவு சாப்பாட்டு நேரம்.


மீண்டும் இரவு ஒன்பது மணிக்கு துவங்கும் அழைப்புகள் எல்லாமே உயிருக்கு போராடிக்கொண்டிருக்கும் ஆத்மாவின் அழைப்புகள். உயிர் போகும் வலி என்பது சொல்வதற்கு எளிது. ஆனால் அனுபவித்தால் தெரியும். அந்த வலி சில நேரத்தில் ஏக்கமாக கூட மாறிவிடும்.


ஏக்கம் ஏதற்காக?. மரணத்தை தழுவ ஏங்கி தவிக்கும் ஆத்மாக்களின் குரல்கள் அவைகள்.. அந்த ஆத்மாக்களின் குரல்களின் ஏக்கத்தை நான் கேட்கும் பொழுது எனக்குள் ஒன்று தோன்றும். அவர்கள் எதிர்நோக்கும் மரணத்தை நான் ஏற்று அவர்கள் ஏக்கத்தை தணிக்க முடியாதா என்று ஏங்கிய தருணங்களும் உண்டு.


என் அன்றாட வாழ்கை இதுதான். நேற்றும் அப்படிதான் என்னுடைய இரவின் ஆரம்பம் துவங்கியது. எல்லோரிடமும் பேசி விட்டு மஹாபெரியவாளிடம் போய் நின்றேன்.


என்னுடன் பேசிய ஆத்மாக்களில் விடிந்தால் இந்த மண்ணுலகை விட்டு விடை பெறும் ஆத்மாக்கள் எவ்வளவோ எனக்கு தெரியாது. ஆனால் ஒரு சில ஆத்மாக்களின் இறுதி குரல் எனக்கு தெரிந்து விடும். .


அதுதான் அந்த ஆத்மாவின் இறுதி நாள் என்று. என்னுடைய பிரார்த்தனைகளில் விடை பிரியா விடை பெறும் ஆத்மாக்களுக்கு தான் முதல் இடம். பிரியும் அந்த ஆத்மாக்களுக்கு மோக்ஷம் கிடைக்க வேண்டும்.அல்லது 48 மணி நேரத்தில் மீண்டும் ஒரு நல்ல கர்ப வாசம் கிடைக்க வேண்டும் என்பதுதான்


இரவு மஹாபெரியவா முன் நின்றேன். என்னையும் அறியாமல் என் தலை தாழ்ந்தது. அது தூக்கத்தின் வெளிப்பாடு அல்ல. எல்லோருடைய கஷ்டங்களையும் துக்கங்களையும் ஏக்கங்களையும் என்னுள் வாங்கி அவர்களுக்கு ஆறுதலான வார்த்தைகளை சொல்லி சமாதான படுத்தும் பொழுது என்னை நானே இழந்து விடுகிறேன்.


அப்படி நான் மஹாபெரியவா முன் நின்ற பொழுது எங்களுக்குள் நிகழ்ந்த சம்பாஷணையின் விவரம் இதோ உங்களுக்காக.


நான்: பெரியவா என்று அழைத்து விட்டு மேலே பேச முடியாமல் அவர் பாதத்தில் சரிந்தேன்.


பெரியவா: என்னடா என்ன ஆச்சு.? உன்னாலே முடியல்லையா ? என்று கேட்டார்.


நான்: நான் இந்த கஷ்டத்தை அனுபவிக்கும் பொழுது தான் நீங்கள் ஓய்வு ஒழிச்சல் இல்லாமல் இரவும் பகலும் மற்றவர்களுக்காக பட்ட கஷ்டம் எனக்கு புரிகிறது.


பெரியவா: நான் என்னடா கஷ்டப்பட்டேன். நீ இப்போ என்ன கஷ்டப்படறே?


நான்: பெரியவா நீங்களே என்கிட்டே பலமுறை சொல்லியிருக்கேள். உங்கள் பக்தர்களில் பலருக்கு கோவில் கட்டும் சக்தியை கொடுத்திருக்கேள். பலருக்கு உபன்யாசம் செய்யும் சக்தியை கொடுத்திருக்கேள்.இன்னும் பலருக்கு யாகங்கள் செய்யும் சக்தியை கொடுத்திருக்கேள்.


என்னை மட்டும்தான் காஞ்சிக்கு அழைத்து எனக்காக இரண்டு மணி நேரம் காத்திருந்து உங்கள் பணிக்காக நீங்களே செய்து கொண்டிருந்த அத்தனை கைங்கர்யங்களையும் என்னை செய்ய வைக்க சக்தியை எனக்கு கொடுத்தீர்கள்..


முக்கியமாக மற்றவர்கள் கர்மாக்களை நான் வாங்கி கர்மாக்களை கழித்து கரையேற்றும் சக்தியை எனக்கு கொடுத்தீர்கள். உங்கள் சக்தியை உங்கள் தபஸின் பலனை எல்லாம் ஒரு பச்சை நிற ஆப்பிள் பழத்தில் குங்குமம் மூலமாக அர்ச்சனை செய்து என் கைகளில் உங்கள் ஸ்பரிசத்தை எனக்கு பூரணமாக கொடுத்தவுடன் நான் அந்த பறந்து விரிந்த ஆகாயத்தில் எங்கோ பறக்கிறேனே.


இன்று நான் ஒரு விரலில் எழுதுகிறேன்.என்னால் பேச முடியவில்லை., ஆனால் என் எழுத்துக்கள் ஒவ்வொரு இதயத்தின் கதவையும் தட்டுகிறதே. எனக்கு தமிழ் எழுதும் அளவிற்கு வராது. இருந்தும் என்னை எழுத வைத்து அழகு பார்கிறீர்களே.


எனக்கு வாக்கு பலிதம் கொடுத்திருக்கிறீர்கள். என் உருவத்தில் பலருக்கு உங்கள் உருவத்தை தரிசனமாக காண்பித்திருக்கிறீர்கள். பலரது கனவில் என்னை அனுப்பி அவரிகளுக்கு தேவையானதை என்னை வைத்து செய்கிறீர்கள்.


அப்பப்பா எவ்வளவு பெரிய விஷயம் இது.. இந்த சக்தியை எல்லாம் நானே பெற வேண்டுமானால் முதலில் அது சாத்தியமே இல்லை. சாத்தியப்பட்டாலும் நன் இன்னும் எவ்வளவு ஜென்மகள் எடுக்க வேண்டுமோ இந்த சக்தியை நான் அடைவதற்கு எனக்கு தெரியவில்லை.


என்னுடைய அறுபதாவது வயதில் கர்ப தீட்டு படாமல் என்னை உங்கள் அற்புத சக்தியால் படைத்தீர்கள்.. ஆக்கும் தெய்வமும் நீங்கள். கர்மாக்களை கழித்து கரையேற்றும் சக்தி ஸ்வரூபமும் நீங்கள். . இந்த எல்லையில்லா பிரபஞ்சத்தை உங்கள் கட்டுக்குள் வைத்திருக்கும் ஒரு ப்ரம்மம் அல்லவா நீங்கள்.


பெரியவா: எதுக்குடா. இப்போ இதையெல்லாம் சொல்லிண்டு இருக்கே. .இன்னும் போகப்போக நீ அனுபவிக்கப்போகும் அற்புத சக்திகள் எல்லையில்லாமல் இருக்கும்.. அதை எல்லாம் வெச்சுண்டு இந்த சம்சார சாகரத்தில் கரையேறமுடியாமல் தவிக்கும் அத்தனை ஆத்மாக்களையும் கர்மாவை கழித்து கரையேற்று.


எந்த காரணத்தாலும் எந்த சந்தர்ப்பத்திலும் இந்த சக்தியை அடைந்து விட்டேன் என்று நினைத்து தலைக்கு கொண்டு போயிடாதே. நீ நினைச்சாலும் அது உன்னால் முடியாது. அதனால் தான் இத்தனை கோடி பேரில் உன்னை அழைத்து உனக்கு என் சக்தியை கொடுத்தேன்.


நான்: பெரியவா நான் இப்போவாவது ஒன்னு உங்ககிட்டே கேட்கிறேன்.என்னை ஏன் தேர்வு செய்தீர்கள். உங்களுக்கும் எனக்கும் என்ன உறவு. கொஞ்சம் சொல்லுங்கள் பெரியவா.


பெரியவா: என்னடா இன்னும் கேட்கலையே அப்படின்னு நினைச்சேன். உன்னோட கடைசி மூச்சு நின்றவுடன் இந்த உலகத்துக்கு நீ யார் என்பது தெரிய வரும். அதுவரைக்கும் என்னை எதுவும் கேட்காதே.


எனக்கும் உனக்கும் இருக்கும் உறவு என்ன என்பதை தெரிஞ்சுக்கறது இப்போ முக்கியமில்லை, இந்த லோகத்திற்கு என்ன வேணுமோ அதை யோசி. அதை பற்றி என்னிடம் கேள்.


நான்: சரி பெரியவா இப்போ கொரோன கிருமிக்கு பலியாகும் மனுஷாளுக்கு என்ன விமோச்சனம் என்பதை பற்றி உங்களிடம் கேட்கிறேன்.


நீங்கள் ஒரு நூற்றி நாலு பேரை ஒரு புதிய வாழ்க்கையை வாழ சொன்னீர்கள். இது சம்பந்தமாக நானும் ஒரு பதிவை எழுதி நம்முடைய இணைய தளத்தில் வெளியிட்டேன்.


ஆனால் நூற்றி நாலு பேர் இல்லை பெரியவா. இந்த நொடி வரை அறுநூறு பேருக்கு மேலாக தங்கள் பெயரை பதிவு செய்துள்ளார்கள். இப்போ இவ்வளவு பேரை என்ன செய்யறது பெரியவா.?


பெரியவா: எத்தனை பேர் புதுசா ஒரு வாழ்க்கையை வாழ ஆசைப்படறாளோ அத்தனை பேரையும் சேர்த்துக்கோ. இந்த புதிய வாழ்க்கையை வாழப்போகும் இந்த பல நூறு பேரும் ஆத்மாவின் வாசனையை இந்த உலகத்திற்கு அனுப்புவார்கள்.


நான் : பெரியவா எனக்கு புரியலை. ஆத்மாவின் வாசனை என்றால் என்ன?


பெரியவா: எப்போ ஒரு மனுஷன் அவனுடைய ஆத்மாவின் சொல்படி வாழ ஆரம்பிக்கிறானோ அப்பவே அவனுடைய மனசு அடங்கி விடும்.மனசு அடங்கி விட்டால் அவன் முதலில் மனசை ஜெயித்து விடுகிறான். மனசை ஜெயித்து விட்டால் அவன் நாக்கை ஜெயித்து விடுகிறான். நாக்கை ஜெயித்து மனசை ஜெயித்து விட்டால் அவன் மனிதர்களை ஜெயிக்க ஆரம்பித்து விடுகிறான்.


இந்த தர்ம யுத்தத்தில் உபநயனம் செய்து பிரும்ம உபதேசம் ஆனவர்கள் அனைவரும் அவர்கள் தர்மத்தை கடைபிடிக்க வேண்டும். ஒரு நாளைக்கு மூன்று சந்தியாவந்தனம் செய்ய சொல். இந்த ஐந்து நாட்களுக்கு மட்டுமாவது.


ஒரு நாளைக்கு இரண்டு சஹஸ்ர காயத்ரி செய்ய சொல். இதுவும் ஐந்து நாட்களுக்கு மட்டுமே. இந்த மாதம் 28 தேதி முதல் ஏப்ரல் முதல் தேதி வரை.

இந்த புதிய வாழ்க்கை பிடித்திருந்தால் தொடர்ந்து வாழலாம். இல்லையென்றால் ஒரு ஐந்து நாட்களுக்கு மட்டுமாவது புதிய வாழ்கை வாழச்சொல்.


இத்தனை நாட்களும் அவர்களுக்காக வாழ்ந்தார்கள். ஒரு ஐந்து நாட்களுக்கு மட்டுமாவது உலகத்திற்காக வாழட்டுமே. அரசாங்கம் சொல்வதை நிச்சயம் கடை பிடிக்க சொல். சொந்த விருப்பு வெறுப்புகளுக்கு இடம் தர சொல்லாதே.


இந்த புதிய வாழ்க்கை எப்படி யுத்தமாக செயல் படுகிறது


இந்த புதிய வாழ்க்கையின் மொத்த சக்தியும் ஆத்ம சக்தியாக மாறி சஞ்சாரம் செய்ய ஆரம்பிக்கும் பொழுது இயற்கை குளிரும்.இறைவன் மகிழ்வான். இயற்கை சீற்றம் குறையும். மனித குலமே ஒரு புதிய வாழ்கை அனுவத்தை உணரும்..


இந்த புதிய வாழ்க்கை வாழும் ஒவ்வொருவரின் ஆத்மாவும் பல ஆத்மாக்களை தன்னருகே இழுக்கும் சக்தி பெற்று விடும். ஒரு ஆத்மா பல ஆத்மாக்களாக பெருகும். இந்த பெருக்கம் கொரோன கிருமியை விட சக்தி படைத்தது.


புதிய வாழ்கை வாழும் ஒவொரு ஆத்மாவும் இறைவனுக்கு நிகரான கல்யாண குணங்களை பெற்று ஒரு பிரபஞ்ச சக்தியாக உருவெடுக்கும். உனக்கு இப்போ நான் கொடுக்கும் தீர்வு புரிகிறதா


நான்: இப்போ தான் நன்னா புரிஞ்சது பெரியவா. பெரியவா என்கிட்டே பலரும் கேட்கும் கேள்வி. மாமா என்னால் காபி டீயை விட முடியாது. மீதி எல்லா கட்டளைகளையும் என்னால் பண்ண முடியும். இதற்கு விதி விலக்கு உண்டா என்று என்னிடம் கேட்டிறார்கள்,.நான் என்ன சொல்லறது பெரியவா.


பெரியவா: என்னடா நீயே இந்த கேள்வியை என்கிட்டே கேட்கிறே. அறுபது வருஷமா நீயும் காபி டீயை குடிஞ்சுண்டு இருந்தே. நான் உன்னை இந்த காபி டீயை விட சொன்னபொழுது நீ கூட எண்ணிகிட்டே சண்டையெவ்லாம் போட்டே..


நான் உன்கிட்டே என்ன சொன்னேன்.: "உன் மனசுலே இத நவீன பானங்களை விடணும்னு மனசுலே நினைச்சுக்கோ. விட வைக்கிறது என்னோட வேலை என்று உன்னிடம் நான் சொன்னேன். நீயும் சரியென்று சொல்லிவிட்டு படுக்க போனே.


அடுத்த நாள் அறியாமல் காபி டி வாசனையே தெரியாமல் ஒரு டம்பளர் பாலை காய்ச்சி குடிக்க ஆரம்பிச்சே. இன்னி வரைக்கும் பால் தானே குடிச்சிண்டு இருக்கே. என் மேல் உருகும் பக்தியும் இமய மலை அளவிற்கு நம்பிக்கையும் வைக்க சொல்லு,. இவாளும் உன்னை போலவே ஆயிடுவா.


நாளைய உலகத்தில் உன்னோட சேர்ந்து இவாளும் இந்த மனுஷ குலத்தின் நல்ல வாழ்க்கைக்கு பயன் படுவா. பிராப்தம் இருக்கறவா உன்னோட கை கோர்த்துப்பா. பிராப்தம் இல்லாதவா ஏதோ சாக்கு போக்கு சொல்லிண்டு காலத்தை போக்கிண்டு இருப்பா.


நான் சொல்லிக்கொடுத்த புதிய வாழ்க்கையை உன்னோட சேர்ந்து வாழச்சொல். இந்த கொரோன அபாயம் கொஞ்சம் கொஞ்சமா விலகும்.வாழும் வாழ்க்கைக்கு ஒரு அர்த்தம் வேணும். அந்த அர்த்தம் இந்த மனித குலத்தின் முன்னேற்றத்திற்காக இருக்கட்டுமே. இந்த புண்ணியம் அவாளுக்கு மட்டும் இல்லை. அவாளோட ப்ராஜினிகளுக்கும் குடுமத்துக்கும் குழந்தைகளுக்கும் போய் சேரும்.


ஒன்னு தெரிஞ்சுக்கோ. அப்பா அம்மா இந்த உலகத்தில் இரண்டு விஷயங்களை தன்னுடைய குழந்தைகளுக்கும் பேரக்குழந்தைகளுக்கும் ரெண்டு விதமான சொத்து சுகங்களை சேர்க்கலாம்


ஒன்னு பணம் பொன் பொருள். இது இந்த மண்ணோட போகும். ரெண்டாவது புண்ணியம். மத்தவாளுக்காக வாழ்ந்து அந்த புண்ணியத்தை அவாளோட குழந்தைகளுக்கு சேர்த்து வைக்கலாம். இது என்னிக்குமே அவா கிட்டயே இருக்கும். ஜென்மத்தின் கடைசியில் அந்த ஆத்மாக்களை பகவானிடம் கொண்டு சேர்க்கும்.


நான்: இப்போ நான் என்ன பண்ணனும் பெரியவா?


பெரியவா: உன்னோட கைகோர்த்துண்டாவா எல்லாரையும் அணைச்சு உன்னோட பிரயாணத்திலே சேர்த்துக்கோ. இந்த பூலோகத்தில் உள்ள சக ஆத்மாக்கள் எல்லோரும் உங்களை பார்த்து ஒரு நன்றி உணர்வோடு சிரிப்பா. அந்த சிரிப்பில் கண்ணிலே காணமுடியாத இறைவனை பார்ப்பார்கள்.


இந்த மனித குலத்திற்கு நீ செய்யும் மிகப்பெரிய சேவை இது. உனக்கு அந்த பாகியத்தை கொடுத்திருக்கேன். எந்த நேரத்திலும் மனுஷாள் கொடுக்கிற புகழை ஏத்துக்காதே. எல்லாத்தையும் உதறி விட்டு ஒரு புனித ஆத்மாவாக என்னை வந்து சேர். போ போய் ஆகவேண்டியதை கவனி. ஒரு விஷயத்தை புரிஞ்சுக்கோ. இது மத்தவாளுக்கும் சேர்த்திதான்.


இந்த யுத்தத்தில் சேரறவா எல்லாரோட பேரையும் எனக்கு சனிக்கிழமை காத்தலே உன்னோட பிரார்த்தனை நேரத்தில் சொல்லு. எல்லாரோட பேரையும் நான் மனசுலே வெச்சுப்பேன்.


இந்த பதிவை இன்று இரவு ஒன்பது மணிக்கு எழுதி முடிக்கும் பொழுது இந்த கொரோன யுத்தத்தில் இணைந்தவர்களின் எண்ணிக்கை 818 . நாளை இரவு பத்து மணி வரை நேரமிருக்கிறது.


அதற்குள் இந்த யுத்தத்தில் உங்களுக்கு இடம் பெற இஷ்டமில்லை என்றால் தாராளமாக விலகி கொள்ளலாம்.; இன்னும் இந்த யுத்தத்தில் சேர நேரமிருக்கிறதா என்று கேட்பவர்களுக்கு இதோ என் பதில். நாளை இரவு சனிக்கிழமை 10 மணி வரை உங்களை இந்த யுத்தத்தில் இணைத்து கொள்ளலாம்.


அற்ப உங்கள் சுகங்கள் முக்கியமா

இல்லை உங்கள்

குழந்தைகளும் குடும்பமும் முக்கியமா

சிந்தித்து செயல் படுங்கள்





உயிரினங்களின் வகைகள் 84 லக்க்ஷம்

அதில் உயர்ந்த உயிரினம் மனிதன்

எப்போதாவது கிடைக்கும் மனித பிறவியில்

எப்பொழுதோ ஒரு பிறவியில் குரு கடாக்ஷம் கிடைக்கும்

இந்த பிறவியில் உன்னோட சேர்ந்து மத்தவாளுக்கும்

குரு கடக்க்ஷம் கிடைச்சிருக்கு

குரு கடாக்க்ஷம் இந்த பிறவி பிணியில் இருந்து

கரையேற்றும் இதுவே கடைசி பிறவியாக அமைந்து விடும்

பிறவியின் இறுதியில் இறைவனே வந்து

உங்களை அழைத்து செல்வான்

அற்ப லௌகீக ஆசையா இல்லை

பிறவியே இல்லாத இறை சாம்ராஜ்யத்தில் ஒரு இடமா?

எல்லாருமே முடிவு செய்து கொள்ளட்டும்.

நான் உன் கையை பிடிச்சுண்டே இருக்கேன்

ஹர ஹர சங்கர ஜய ஜய சங்கர

என்றும் உங்கள் நலன் மட்டுமே நாடும்

GR மாமா

No tags yet.
Recent Posts
Archive
Search By Tags
No tags yet.
Follow Us
  • Facebook Basic Square
  • Twitter Basic Square
  • Google+ Basic Square