குரு பூஜை அற்புதங்கள்-011-பாகம்-II- சிவபார்வதி

அற்புதத்தின் சுருக்கம்:சென்ற வரம் நாம் எல்லோரும் படித்து அறிந்து மகிழ்ந்தது  சிவபார்வதிக்கு  வேலை ஒன்றுதான் மருந்து என்ற நிலையில் தன்னுடைய குரு பூஜையை செய்யச்சொல்லி குரு பூஜை முடிவின் இறுதி நாளில் மஹாபெரியவாளை நமஸ்கரித்து எழுந்தவுடன்  வேலைக்கான அனுமதிக்கடிதம் வந்து சிவபார்வதியின் கையில் கிடைத்த அற்புதத்தை படித்து அதிசியத்தோம். நம்முடைய பக்தியும் மஹாபெரியவா அற்புத லீலைகள் மேல் இருக்கும் நம்பிக்கையும்  பல மடங்கு உயர்ந்ததை நாம் கண்கூடாக கண்டோம்..

📷

குரு பூஜை அற்புதங்கள்-011-பாகம்-II-

சிவபார்வதி   

பிரதி திங்கள் தோறும்

மற்றவர் நலனுக்கென்று விரிந்த உள்ளம் மலர்களாகலாம்

அந்த உள்ளங்களே மஹாபெரியவா கோவிலில்

அர்ச்சனை மலர்களாகலாம்

நாம் எல்லோருமே நல்ல மலர்கள் தானே உள்ளத்தளவிலே

சென்ற வரம் நாம் எல்லோரும் படித்து அறிந்து மகிழ்ந்தது  சிவபார்வதிக்கு  வேலை ஒன்றுதான் மருந்து என்ற நிலையில் தன்னுடைய குரு பூஜையை செய்யச்சொல்லி குரு பூஜை முடிவின் இறுதி நாளில் மஹாபெரியவாளை நமஸ்கரித்து எழுந்தவுடன்  வேலைக்கான அனுமதிக்கடிதம் வந்து சிவபார்வதியின் கையில் கிடைத்த அற்புதத்தை படித்து அதிசியத்தோம். நம்முடைய பக்தியும் மஹாபெரியவா அற்புத லீலைகள் மேல் இருக்கும் நம்பிக்கையும்  பல மடங்கு உயர்ந்ததை நாம் கண்கூடாக கண்டோம்..

சென்ற வார குருபூஜை அற்புதங்களை படித்து விட்டு எத்தனையோ ஆத்மாக்கள் தங்களுக்கும் தங்கள் வாழ்கை பிரச்சனைகளுக்கும் ஒரு தீர்வு வேண்டி மஹாபெரியவா குரு பூஜையை உடனே செய்யவேண்டுமென்றும் அதை எப்படி செய்வது என்றும் என்னிடம் கேட்டார்கள், நானும் மஹாபெரியவா குரு பூஜை செய்யும் வழிமுறையை அவர்களுக்கு சொல்லிக்கொடுத்து மஹாபெரியவாளிடம் உத்தரவும் வாங்கிக்கொடுத்து  அவர்கள் வாழ்க்கை  சிறக்க மஹாபெரியவாளை நமஸ்கரிக்குமாறு சொன்னேன்.

நான் இந்த வாரம் சிவபார்வதியின் திருமணத்திற்கு மஹாபெரியவா எப்படி அனுக்கிரஹம்  செய்தார் என்று எழுதலாம் என்றிருந்தேன். ஆனால் அடுத்த வாரம் சிவபார்வதி தன்னுடைய வேலையில்லாத நேரத்தில் சமுதாயம் அவளை எப்படி பார்த்தது அதை சிவபார்வதி எப்படி எதிர்கொண்டாள் என்பதை எழுதுவதைவிட இந்த வாரம் சிவபார்வதி எதிர்கொண்ட சமுதாயபிரச்னைகளை எழுதி உங்களுக்கு சமர்ப்பிக்கிறேன்.

 அடுத்த வாரம் மங்களகரமாக சிவபார்வதியின் திருமண வைபவத்திற்கான முஸ்தீபுகள் எப்படி ஆரம்பித்தன மஹாபெரியவா என்ற  இறை சக்தி எப்படி தன்னுடைய லீலைகளை செய்து சிவபார்வதியை மணப்பெண்ணாக மாற்றியது   என்பதை மங்களகரமாக அடுத்தவாரம் நிறைவு செய்கிறேன். நீங்களும் மணப்பெண் சிவபார்வதியை  மன நிறைவோடு பதினாறும் பெற்று பெருவாழ்வு வாழ வாழ்த்துங்கள்.

ஒரு நல்ல எழுத்தாளன் சமுதாய சீரழிவுகளை மட்டும் எழுத்தமாட்டான். பிரச்சனைகளுக்கு தீர்வையும் அலசி ஆராய்ந்து தன்னுடைய எழுத்துக்களிலும் கட்டுரைகளிலும் சேர்ப்பான். நான் நல்ல எழுத்தாளனா  என்று எனக்கு தெரியவில்லை. ஆனால் மஹாபெரியவாளின் அணுக்கத்தொண்டன் என்ற வகையில் இந்த காயத்ரி ராஜகோபாலுக்கு சமுதாய அக்கறை நிச்சயம் இருக்கவேண்டும் என்பதுதான் உண்மை.

அதனால்தான் அக்கறையோடு சிவபார்வதி சமுதாயத்தால் பட்ட கஷ்டங்களை விலாவரியாக எழுதி உங்கள் கண்களில் கண்ணீரை வரவழிப்பதை விட அந்த கண்ணீரை துடைக்கும் கைகுட்டையாக என்னுடைய  கருத்துக்களும் எழுத்துக்களும்  இருக்க வேண்டும் என்பதில் நான் மிகவும் முனைப்பாக இருக்கிறேன்.தொலைக்காட்சியில் மட்டும் தான் கண்ணீருக்கு விலையுண்டு சீரியல் என்ற பெயரில்.

ஆனால் இந்த இணையதளத்தில் கண்ணீருக்கு கண்ணீர்தான் விலை. நாமும் அவள் கண்ணீரை பகிர்ந்துகொள்வோம் இல்லையா . இந்த அனுபவlத்தை நீங்கள் மட்டுமல்ல நானும் நன்றாகவே உணர்ந்திருக்கிறேன். அதனால்தான் சிவபார்வதி எதிர்கொண்ட சமுதாய பிரச்சனைகளை சில வரிகளில் சுருக்கமாக எழுதி விட்டு  பிரச்சனைகளுக்கு தீர்வை பற்றி ஆராயலாம் என்று நினைக்கிறேன். நீங்களும் அப்படித்தான் நினைக்கிறீர்கள் என்று எனக்கும் புரிகிறது.

சமுதாயபிரச்னையை குரு பூஜைக்கு முன் சிவபார்வதி எப்படி எதிர்கொண்டாள் குரு பூஜைக்கு பிறகு எப்படி துணிச்சலுடன் போராடினாள் என்பதை ஓரிரு வரிகளில் பார்ப்போம்.

குரு பூஜைக்குமுன் சமுதாயபிரச்னையும் சிவபார்வதியும்

சமுதாயம்

சிவபார்வதி

ஏளனப்பேச்சு

மனமும் உடலும் வாடி விடும்

கிண்டலும் கேலியும்

நம்பிக்கை அற்ற முயற்சி

பேய் பிடித்துவிட்டதாக பேச்சு

பேய் ஓட்டுபவரை தேடி அலைந்தாள்

நாடு இரவிலும் கேலிப்பேச்சு

தூங்கமுடியாத இரவுகள்

கற்பனை கரணங்கள்

நம்பிவிடுவாள்

இன்னும் எத்தனையோ சமுதாய பிரச்சனைகளை அடுக்கிக்கொண்டே போகலாம். உங்களுக்காக ஒரு சிலதை மட்டும் இங்கே காண்பித்துளேன். இந்த பதிவின் இறுதியில் குரு பூஜைக்கு பிறகு சமுதாய பிரச்னையை சிவபார்வதி எப்படி எதிர்கொண்டு துணிச்சலுடன் போராடினாள் என்பதயும் ஓரிரு வரிகளால் உங்களுக்காக கொடுத்துளேன்.

சிவபார்வதியின் வாழ்க்கை பிரச்சனைகள்

எல்லோருடைய வாழ்விலும் சோதனையான காலகட்டம் என்று ஒன்று உண்டு. அந்த நாட்களை பிற்காலத்தில் நினைத்துப்பார்த்து அசைபோடும் பொழுது நமக்கு தோன்றும் என்னுடைய எதிரிக்குக்கூட இந்தமாதிரி  ஒரு நரக வாழ்கை வரக்கூடாது என்று எண்ண அலைகளை அசைபோடுவதயே நிறுத்திவிடுவோம்.

சிவபார்வதி மட்டும் விதிவிலக்கா என்ன?. அவளும் அந்த கடினமான  நாட்களை எதிர்கொண்டாள். அந்த நாட்களை எப்படி கடந்தாள். நொடிப்பொழுதில் எப்படி நரக வாழ்க்கை  சொர்க வாழ்க்கையாக மாறியது அதிசயத்திலும் அதிசயம்.

நெஞ்சில் நஞ்சும்

நாவில் அமிர்தமும் பரிமாறும்

சமுதாயம்

பெண்கள் என்னை மன்னிக்கவேண்டுகிறேன். பெண்களை கடவுளுக்கு நிகராக பார்த்த பூமி தான் நாம் வாழும் மண். இயற்கையோடு நதியை ஒப்பிட்டு மகிழ்ந்த மண். நம்முடைய வாழும் பூமியில். அங்கொன்றும் இங்கொன்றுமாக இருக்கும் பெண்மையின் திருஷ்டியாக இருக்கும்  பெண்களை பற்றி தான் நான் எழுதுகிறேன். நாம் பெண்களை கடவுளாக பார்க்கவில்லை இந்த சமுதாயம்.கடவுளையே பெண்களாக்கி பார்த்தது..

இறைவனிடம் குழந்தை வேண்டினால் ஆண் குழந்தை பிறகும் இறைவனையே குழந்தையாக வேண்டினால்தான் பெண் குழந்தை பிறகும் முதல் பெண்குழந்தை வீட்டின் மஹாலக்ஷ்மி

உண்மையிலயே துன்பமெல்லாம் தனகென்றும் இன்பமெலாம் உனக்கென்றும் வாழும் தாய்மார்கள்.  பெண்கள் தெய்வங்கள்.

இயற்கையின் படைப்பு ரகசியமே இருவகை படைப்புதானே. பகல் இரவு துன்பம் இன்பம் வெப்பம் குளிர் நல்லது கெட்டது நல்லவர்கள் கெட்டவர்கள் இதில் நான் குறிப்பிடுவது கெட்டவர்களை பற்றி மட்டுந்தான். நம் கண்களில் கூட கருப்பும் வெள்iளையும் கலந்துதான் இருக்கிறது. இரண்டும் குணங்களும் கலந்ததுதான் சமுதாயமே.

சிவபார்வதி வசிக்கும் வீடு அமைந்துள்ள  பகுதி சுற்றிலும் கூட்டுகுடித்தன குடும்பங்கள் வசிக்கும் வீடுகள்.. அதிலும் இளம்  பெண்கள் குடும்பத்தலைவி வயதான முதியவர்கள் என்று நம்முடைய தொலைக்காட்சியில் வரும் பெண்கள் போலவே நெஞ்சில் முள்ளை வைத்துக்கொண்டு நாவில் நந்தவனம் வளர்க்கும் பசுத்தோல் போர்த்திய புலிகள்.

சமுதாயத்தையும் சமுதாய ஏச்சுப்பேச்சுகளையும் சமாளிப்பது என்பது அவ்வளவு சாதாரணமான காரியமல்ல. இறைவனின் துணையும் மஹான்களின் ஆசிர்வாதமும் இருந்தால்தான்  சமுதாயத்தையும் சமுதாயத்தின் வாயையும் முறியடிக்க முடியும்.

சிவபார்வதிக்கு துணை நின்றது மஹாபெரியவா குரு பூஜை மட்டும் தான் என்று சொன்னால் அது நிதர்சன உண்மையே.. மஹாபெரியவா குரு பூஜை என்பது இறைவனின் துணைக்கும் மஹானின்  ஆசிர்வாதத்துக்கும் இணையானது. ஏனென்றால் மஹாபெரியவா பரமேஸ்வரன் அவதாரம் மட்டுமல்ல மஹானாக நம்முடனேயே  வாழ்ந்தவர். அதனால் தான் மஹாபெரியவா குரு பூஜைக்கு அப்படியொரு பலன்.

சிவபார்வதியின் வாழ்க்கை அனுபவத்திலிருந்து நான் படித்த பாடத்தை உங்களுடனும் பகிர்ந்து கொள்வதில் எனக்கு ஒரு ஆத்ம திருப்தி. எல்லா தவறையும் தப்பையும் நமே செய்துதான் வாழக்கையில் வாழ்க்கை கல்வி கற்று வாழவேண்டுமென்றால் இந்த ஒரு ஜென்மம் போதாது. அதற்கு பல ஜென்மகள் தேவைப்படும்.

இதற்கு தீர்வு தான் என்ன?. மற்றவர்  அனுபங்களை நாம் பாடமாக ஏற்றுக்கொண்டால்தான் நம்முடைய வாழ்க்கை ஏற்ற தாழ்வுகள் இல்லாத வாழ்க்கையாக இருக்கும்.  ஆமாம் தப்பு என்றால் என்ன தவறு என்றால். என்ன?

தவறு என்பது தெரியாமல் செய்வது. திருத்திக்கொள்ளலாம்

தப்பு என்பது தெரிந்து செய்வது -திருந்திக்கொள்ளவேண்டும்.

இவ்வளவு வாழ்கை தத்துவங்களா என்று மலைக்க வேண்டாம். நம்முடைய தாய் தந்தையர்கள் தாத்தா பாட்டிகள் எல்லோருமே இப்படித்தான் வாழ்ந்து காட்டி போயிருக்கிறார்கள். இனிமேலாவது மற்றவர் வாழ்க்கை அனுபவங்களை பாடமாக ஏற்று நம்முடைய தடம்புரண்ட வாழ்க்கைப்பயணத்தை சீராக்குவோம்.நாமும் வாழ்வோம் மற்றவர்களையும் வாழவைப்போம்..

நம்முடைய முன்னோர்கள் விட்டுப்போன பழமைகள் நமக்கு பொக்கிஷங்கள். ஆனால் இன்று என்ன நடக்கிறது. புதுமை என்ற பெயரில் பழமையை புறந்தள்ளிவிட்டு புதுமையை வாழ்க்கையில் புகுத்தி நாமும்  சீரழிந்து போகிறோம். நம்முடைய வருங்கால சந்ததியர்களையும் சீரழிக்கிறோம். பழமை என்றல் என்ன? புதுமை என்றல் என்ன?. இதோ உங்களுக்காக பழமையும் புதுமையும்  சில உண்மைத்துளிகள்.

பழமையை போற்றுவோம்

அழகாக இருந்தால் அது பழமை அலங்காரமாக இருந்தால் அது புதுமை

பிரியமாக இருந்தால் அது பழமை பிரியாமல் இருந்தால் அது புதுமை

ஒற்றுமையாக இருந்தால் அது பழமை ஒன்றாக இருந்தால் அது புதுமை

ஒழுக்கமாக இருந்தால் அது பழமை ஒழுங்காக இருந்தால் அது புதுமை

இதுபோல் இன்னும் எத்தனையோ அடுக்கிக்கொண்டே போகலாம். ஆனால் பழமை என்பது  வாழ்க்கையில்  சோதித்துப்பார்த்து வழக்கத்தில் இருந்தது.. நம்முடைய புதுமையை எந்த முன்னோர்கள் சோதித்து பார்த்து நமக்கு கொடுத்தார்கள்.நினைத்து பாருங்கள் தலைமுறையையே சீரழிக்கும் புதுமையை தான் நாம் நம்முடைய குழந்தைகளுக்கு விட்டுட்டுப்போகும் சொத்தா.

எந்த வெண்ணை தயிரை விட்டு பிரிய மறுத்ததோ

அதே வெண்ணை பிரிந்தவுடன் மீண்டும் தயிருடன் ஓட்டமறுக்கிறது

நம்மை விட்டுப்பிரிந்த பழமையும் நம்முடன் ஓட்ட மறுக்கிறது

நம்முடைய சிறந்த வாழ்க்கைக்கு வழிகாட்டி எது தெரியுமா. நம் முன்னோர்கள் நமக்கு கற்றுத்தந்தும் வாழ்ந்தும் காட்டிய  வாழ்க்கை தத்துவங்கள்.. அவைகளை பழமை என்று ஒதுக்கி விட்டு புதுமை என்ற பெயரில் நாம் தடம் மாறிப்போகிறோம்.

சில தலைமுறைக்கு முன்பு வரை பழமை மாறாமல் நம்முடனேயே பயணித்து வந்தது. தயிறுடனேயே ஒட்டியிருந்த வெண்ணெயைப்போல. பழமை நம்முடனேயே இருந்தது. எப்பொழுது பழமை நம்மை விட்டு பிரித்ததோ அப்பொழுதே தயிரை  விட்டு பிரித்த  வெண்ணெய் எப்படி மீண்டும் தயிருடன்  ஓட்டதோ அது போல நம்முடன் பழமை ஓட்டமாட்டேன்  என்கிறது..

இப்பொழுது குழந்தைகளின் மழலை சொற்களை கேட்கமுடியவில்லையே. இப்படியே மனிதமும் மனிதநேயமும்    அற்ற  சமுதாயமாக மாறி பணம் ஒன்றையே குறிக்கோளாக மாறிவிட்ட சமுதாயத்தில் பிறக்கும் குழந்தைகள்கூட குவா குவா என்று அழாமல் இனிமேல் ரூபா ரூபா என்றுதான் அழும். அப்பொழுது நாமும் உட்கசார்ந்து அழுவோம். இந்த அவல நிலைமையை நாமெல்லாம் சேர்ந்து தடுத்து ஒரு  நல்ல    தலைமுறைக்கு வழிவகுப்போமே.

சிவபார்வதி சமுதாயத்தால் பட்ட கஷ்டங்களை இன்னும் பக்கம் பக்கமாக எழுதலாம் நீங்களும் படிக்கலாம். அதனால் அவ்வளவாக நமக்கு பயன் இருக்கும் என்று எனக்கு தோன்றவில்லை.

பிரச்சனைகளை அலசுவதைவிட பிரச்சனைகளுக்கு உண்டான தீர்வை ஆராய்ந்தால் இன்னும் பல சிவபார்வதிகள் உருவாவதை தடுக்கலம். வரும் தலைமுறையினருக்கும் ஒரு நல்ல கலாச்சாரத்தையும் பழக்கவழக்கங்களையும் விட்டுச்செல்லலாம். நாம் எவ்வளவு பணம் பங்களாக்கள் நில புலன்களை விட்டுச்செல்கிறோம் என்பதை விட எப்படிப்பட்ட சமுதாயத்தை விட்டுச்செல்கிறோம் என்பதுதான் முக்கியம்.

இன்றைய தலைமுறை குழந்தைகளுக்கு வாழ்க்கை தத்துவங்கள் ஒன்றுமே தெரியவில்லையே. . எல்லா குழந்தைகளும் எலி  வேட்டை தெரியாத பூனைக்குட்டிகள்.. அவர்களுக்கு நாம்தான் சொல்லிக்கொடுக்கவேண்டும்.அவர்களும் எதிர்கால சந்ததியினர் பற்றி அக்கறை கொண்டு பழமையை போற்றி நம்முடைய அறிவுரைகளை ஏற்று வாழ்க்கையை நடத்தினால் இழந்த நம்முடைய பழமையை மீட்டெடுக்க நமக்கு கிடைத்த கிடைசி வாய்ப்பு. இதை நழுவ விடாமல் நம்முடைய பிள்ளைகளுக்கு வாழும் கலையை கற்றுத்தருவோமே.

வாழ்க்கை ஒரு சுமையா அல்லது சுகமான ராகங்களா

மனிதனாகப்பிறந்தவர் எவருமே வாழ்க்கை என்ற  பளுவை சுமந்துதான் ஆக வேண்டும். வாழ்க்கை பளுவை சுமப்பதால் யாரும் ஒடிந்து போவதில்லை.சுமக்கும் முறை தெரியாமல் தான் வாழ்க்கை பளுவால் ஒடிந்து போகிறோம்.

வாழ்க்கை என்னும் சுமையை சுமக்ககற்றுக்கொள்ளுங்கள்

சுமை கூட சுகமான ராகங்களாக மாறிவிடும்

சிவபார்வதியின் பிரச்சனைகளை நாமும் சமுதாயத்தைப்போலவே அலசுவதை விட  பிரச்சனைகளுக்கு தீர்வை பற்றி யோசித்தால் நம்முடைய வாழ்க்கை மட்டுமல்ல இந்த கட்டுரையை படிப்பவர்கள் வாழ்வும் ஒளி பெரும் அல்லவா. சிவபார்வதியின் பிரச்சினையே சமுதாயம் தான்.அந்த சமுதாயத்தை எப்படி எதிர்கொண்டாள். என்பதை பார்ப்போம்.

மஹாபெரியவா எப்படி அனுக்கிரஹம் செய்தார் என்பதை அறிந்துகொண்டால் அற்புதத்தின் ஆழமும் அற்புதத்தின் வீச்சும் புரியும்  நான் அவளுக்கு சொன்ன அறிவுரை என்ன என்பதை உங்களுடன் பகிர்ந்து கொண்டால் அது எல்லோருக்குமே நல்லது.

சிவபார்வதியின் வாழ்க்கை பிரச்சனைகளில்

இருந்து நான் தெரிந்து கொண்டது கற்றுக்கொண்டது.

ஒரு நேரத்தில் இறைவனால் உனக்கு கொடுக்கப்பட்ட அந்த ஒரு வேலையே மட்டும் கவனமாக செய். ஒரு வேலை செய்யும் பொழுது கவனம்  சிதறினால் செய்யும் வேலையில் கவனச்சிதறல் ஏற்படும். செய்யும் வேலையில் மட்டும் கவனமிருந்தால் இறைவனும் நமக்கு துணை நிற்பான். ஒரு சின்ன அழகான கதை மூலம் உங்களுக்கு புரியவைக்க முயல்கிறேன். பதறிய காரியம் சிதறும் என்பது முதுமக்கள் வாக்கு

கதை

ஒரு நிறை மாத கர்ப்பிணி மான் ஒன்று. காட்டிலிருந்து ரோட்டிற்கு வந்துவிட்டது.அந்த மானுக்கு பிரசவ நேரம் வந்து விட்டது. பனிக்குடம் உடைந்து எந்த நேரமும் மான் குட்டி வெளிவரும் நேரம்.

அந்த மானுக்கு பின்னால் ஒரு வேடன் அம்பை மானுக்கு குறி வைத்து நிற்கிறான்.இடது புறம் ஒரு புலி ஒன்று மானை நோக்கி வருகிறது. மான் யோசித்தது. பேசாமல் காட்டுக்குள் ஓடி  விடலாமென்று.. என்ன கொடுமை காட்டில் காட்டுத்தீ பரவி கொழுந்து விட்டு எரித்துக்கொண்டிருக்கிறது.. மானுக்கு கடவுள் மேல் ஒரே கோபம். கடவுளை பார்த்து கேட்டது.

மான் இறைவனிடம் கேட்டது

எனக்கு வயிற்றில் குழந்தயை கொடுத்தது நீ. நீ  கொடுத்த குழந்தையை பெற்றெடுக்க முயலும் பொழுது எத்தனை ஏதிரிகள். இது உனக்கே நியமாக்கப்படுகிறதா என்று கடவுளை பார்த்து கேட்டது.அதற்கு கடவுள் சொன்னாராம்.இப்பொழுது நீ உன்னுடைய குட்டியை பெற்றெடுக்க சொன்னது நான். நீ அந்த குட்டியை பெற்றெடுப்பதில் மட்டும் உன்  கவனம் செலுத்து மற்றதை  நான் பார்த்துக்கொள்கிறேன் என்றாராம்.

தாய் மானும் வேடனையும் புலியையும் காட்டுத்தீயையும்  மறந்து தன்னுடைய குட்டியை வேதனை இன்றி பெற்றெடுத்தது.

கடவுள் சொல்லியபடி தனக்கிட்ட குட்டியை  

ஈன்றெடுக்கும் பணியை மட்டும் செய்ததாம் அந்த மான்.

கடவுளும் தன்னுடைய பணியை எப்படி செய்தார் தெரியுமா.

மானுக்கு குறி வைத்த வேடனை புலி பாய்ந்து வந்து கொன்றது. புலி பாயும் நேரத்தில் வேடனின் அம்பு வில்லில் இருந்து விடுபட விடுபட்ட அம்பு புலியை கொன்றது வேடனும் இறந்தான் புலியும் இறந்தது.. தீடிரென்று மழை கொட்ட ஆரம்பித்தது. காட்டு தீயும் அணைந்தது. தாய் மான் கடவுளுக்கு நன்றி சொல்லிவிட்டு தன்னுடைய குட்டியுடன்  காட்டுக்குள் மெதுவாக நடந்து மறைந்தது..

ஓடாத மானும் போராடாத மனிதனும்

சமுதாயத்தில் வாழ முடியாது

மஹாபெரியவா சிவபார்வதிக்கு தன்னுடைய ஆசிர்வாதங்களையும் இறை அற்புதங்களையும் தாராளமாக வழங்கினார். நான் என்னுடைய முப்பது ஆண்டு கால வாழ்க்கையில்   தோல்வி ஒன்றையே சந்தித்து  அதனால் பெற்ற பாடங்களை  சிவபார்வதிக்கும் சொல்லிக்கொடுத்தேன். சொல்லிக்கொடுத்த ஒரு பாடம் தான் ஓடாத மானும் போராடாத மனிதனும் சமுதாயத்தில் வாழ முடியாது என்ற பாடம். இது சிவபார்வதிக்கு மட்டுமல்ல நம் எல்லோருக்கும் சேர்த்துதான்.

நான் கண்ட சமுதாயத்தை

சிவபார்வதிக்கும் சொல்லிக்கொடுத்தேன்

வாழ்ந்தாலும் ஏசும்

தாழ்ந்தாலும் ஏசும்

சமுதாயம் இதுதானாடா

சமுதாயம், நீங்கள் வாழ்ந்தாலும் ஏசும் தாழ்ந்தாலும் ஏசும். நம்முடைய வாழ்க்கையையும் அங்கீகாரத்தையும் சமுதாயத்திடம் ஒப்படைத்தால் வாழ்க்கை திசை மாறியும் தடம் புரண்டும் போய்விடும். நம்முடைய வாழ்க்கையை நாம்தான் வாழவேண்டும். அபொழுதுதான் வாழ்க்கை பயணம் குறிப்பிட்ட திசையிலும் சீராகவும் தடம்புரளாமலும் இருக்கும்.

சமுதாயம் என்பது

ஆடுகளும் மாடுகளும் நிறைந்த மந்தைகள்

சமுதாயம் என்பது ஆடு மாடுகள் நிறைந்த  ஒரு மந்தை. ஆடு என்பது கிண்டலும் மாடு என்பது கேலிப்பேச்சும் கொண்டதுதான் சமுதாயத்தின் ஆடு மாடுகள். இந்த ஆடுமாடுகள் உங்களை மேய்ந்து விடாமலும் மிதித்து விடாமலும் பார்த்து பெரிய மரமாக வளர்ந்து விட்டீர்கள் என்றால்  உங்களை பழித்த சமுதாயமே உங்கள் நிழலில் ஒதுங்க தயங்காது.

மஹாபெரியவா குரு பூஜைக்கு பின் சிவபார்வதியின் சமுதாய அணுகுமுறை மாற்றம்

சமுதாயம்

சிவபார்வதி

ஏளனப்பேச்சு

புறம்தள்ள ஆரம்பித்தாள்

கிண்டலும் கேலியும்

உதாசீனப்படுத்தினாள்

கோபம் கொண்டது

தனக்குள் சிரித்துக்கொண்டாள்

மனதளவில் சண்டையிட்டது

மனதளவில் ஸ்திரம் கொண்டாள்

பின் வாங்க ஆரம்பித்தது

முன்னேறினாள்

சோர்வடைந்தது

உற்சாகம் கொண்டாள்

தன்னை  ஏளனமாகப்பார்த்த சமுதாயத்தை குரு பூஜைக்கு பின் சிவபார்வதி  ஏளனமாக பார்க்க ஆரம்பித்தாள்.வாழ்க்கையும் சிறக்க ஆரம்பித்தது.

உங்கள் வாழ்க்கை உங்கள் கையில்

மஹாபெரியவா த்யானம்

மஹாபெரியவா படத்தின் முன் விளக்கேற்றி வைத்து அமர்ந்து

அந்த கருணா சாகரனுடைய கண்களையே பாருங்கள்

அந்த கண்கள் மெய்ஞ்ஞான மொழி பேசும்

மரமான மனிதரையும் உயிர்ப்பிக்கும் கண்கள் அவை  

முகத்தை பாருங்கள் வாழ்க்கையில்

நம்பிக்கையூட்டும் பூபாளம் அந்த முகம்

த்யானத்தில் அமருங்கள் நீங்கள் உணர்வீர்கள்

மஹாபெரியவா ஆழமான வாழ்க்கை தத்துவங்களை

ஒளிபரப்பும் ஆன்மீக அலைவரிசை என்று

மஹாபெரியவா அன்பின் ஆரம்பம் அடக்கத்தின் அந்தம்

சகிப்புள்ள தியாகத்தின் தாய்

அடுத்த வாரம் மஹாபெரியவா பெயர் பொருத்தத்தைக்கூட பார்த்து நிச்சயித்த கல்யாணம். மங்கள இசையும் மங்கள நாணும் எப்படி மங்களகரமாக இணைந்தன. இவை எல்லாவற்றையும் பார்த்து மகிழ்ந்து நாமும் மங்கள அக்க்ஷத்தையோடு  புது வாழ்க்கையை ஆரம்பிக்கப்போகும் புதுமண தம்பதியை வாழ்த்துவோம் 

ஹர ஹர சங்கர ஜய ஜய சங்கர

காயத்ரி ராஜகோபால்